AQSh áýe kompanııalary koronakrızıske baılanysty 32 myń qyzmetkerin qysqartady. Bul týraly "Habar 24" habarlady.
Jappaı jumystan shyǵarý Amerıkan Eırlaıns jáne Iýnaıted Eırlansqa qatysty bolmaq. Pandemııa kezinde shyǵynǵa batqan kompanııalarǵa kómek kórsetýdi uzartý máselesin qazir Aq úı men spıker Nensı Pelosı qarastyryp jatyr. Dese de soǵan qaramastan áýe uıymdary jumysshylar sanyn qysqartýǵa májbúr. Aıta keteıik, ekonomıkany qoldaý maqsatynda bılik áýe kompanııalarǵa 25 mlrd dollar qarajat bólgen. Tıisinshe jumys berýshiler jumys oryndaryn saqtap qalý kerek bolatyn. Biraq bul baǵdarlamanyń merzimi 30-shy qyrkúıek kúni aıaqtaldy. Sarapshylardyń boljamynsha, AQSh áýekompanııalary bıyl 30 mlrd dollar kóleminde shyǵynǵa batýy múmkin.