Shymkentte kópqabatty úılerdiń lıftileri jańartylýda, dep habarlaıdy Egemen.kz
Búgin Shymkent qalasynyń ákimi Murat Áıtenov shahardaǵy kópqabatty turǵyn úılerge lıftlerdi jetkizýmen aınalysatyn "Shymkentlıftmontaj" kompanııasynyń jumysymen tanysty.
Qazir Shymkenttegi kópqabatty turǵyn úılerde 358 lıft bar. Sonyń 333-i jumys istep tur. Qalǵan 25-in aýystyrý qajet.
Bıyl qalada kópqabatty 6 úıdegi 12 lıft jańartylyp jatyr. Sonyń 10-yn osy "Shymkentlıftmontaj" JShS aýystyrýda. Qalǵan ekeýin "DOSTAR lıft" JShS jańartady.
Qala ákimi kompanııa basshylaryna jumysty barynsha sapaly oryndaý kerektigin eskertti. О́ıtkeni, bul — turǵyndardyń qaýipsizdigi men jaıly ómir súrýine tikeleı áser etetin máseleniń biri.
Aıta keteıik, 2021 jyly kópqabatty 13 úıdegi 25 lıft jańartylady dep josparlanyp otyr.