Bul kúnderi Majarstannyń Sombatheı qalasynda sporttyq gımnastıkadan Álem kýbogy ótip jatyr. Halyqaralyq týrnırge qatysyp jatqan qazaqstandyq sportshylar jarystyń alǵashqy kúninde tuǵyrdyń eń bıik satysynan kórindi.
Álemdik dodanyń birinshi jarys kúninde óner kórsetken jerlesimiz Narıman Kýrbanov sporttyq at snarıady boıynsha qarsylastarynan qara úzip, Álem kýbogynyń jeńimpazy atandy. Sonymen qatar erkin jattyǵý boıynsha saıysqa túsken Ilııas Azızov altyn júldege synyq súıem qalǵanda súrinip, jarysty ekinshi orynmen aıaqtady.
Sondaı-aq Qazaqstan quramasynyń taǵy bir ókili Mılad Karımı fınalda 3 sanat boıynsha baq synaıdy.