Zertteýler nátıjesi kórsetkendeı, COVID-19 qaptamalyq materıaldarda - negizinen kartonda jáne plastıktiń ártúrli formalarynda birneshe saǵat, tipti táýlikteri boıy ómir súre alady, dep habarlaıdy Egemen.kz koronavırýstyń taralýyna jol bermeý jónindegi komıssııanyń baspasóz qyzmetine silteme jasap.
Sonymen qatar, kóptegen taǵamdar tasymaldanylatyn tómengi temperatýrada da vırýs turaqtylyǵyn joǵaltpaıdy.
DDSU «qazirgi ýaqytta Covid-19 tamaqtyń betki qabaty nemese tamaq oramasy arqyly berilýiniń rastalǵan jaǵdaıy joq» ekenin jetkizedi. Biraq, indettiń juǵý qaýpin azaıtý úshin birqatar qarapaıym erejelerdi saqtaý qajet dep sanaıdy.
Atap aıtqanda, tamaq oramdaryn dezınfeksııalaýdyń qajeti joq ekenin, biraq sýpermarketterge, dúkenderge nemese bazarlarǵa barǵannan keıin qoldy dezınfeksııalaý kerek ekendigin habarlaıdy.
Sonymen qatar, DDSU sarapshylary saýda núktelerinen ónimder jetkizilgen polıetılendi paketterdi qaıta paıdalanbaýǵa keńes beredi.