Osydan dál 45 jyl buryn, ıaǵnı 1975 jyldyń 6 qazanynda Kıevtiń «Dınamosy» ÝEFA Sýperkýbogyn jeńip alyp, barsha Keńes Odaǵynyń jankúıerlerin qýanysh pen shattyqqa bólegen edi.
Dál sol maýsymda ýkraınalyq fýtbolshylar Kýbok ıegerleri kýbogyn ıelense, Mıýnhenniń «Bavarııasy» Eýropa chempıondary kýbogyn oljalady. Sodan qart qurlyqtyń eki úzdigi ózara kúsh synasyp, ÝEFA Sýperkýbogyn enshileýge kim laıyq ekenin anyqtady. Alǵashqy match 9 qyrkúıekte Germanııada ótti. Osy básekede Oleg Blohınniń soqqan jalǵyz golynyń arqasynda qonaqtar jeńiske jetti. Qarymta kezdesý Kıevte uıymdastyryldy. Oıyndy tamashalaý úshin stadıonǵa 102 myń adam keldi. Bul oıynda da Valerıı Lobanovskıı baptaǵan komanda jeńiske jetti. Esep – 2:0. Goldardyń avtory – Blohın. Ol 40 jáne 53-mınýttarda nysanany dál kózdedi. Osylaısha Kıevtiń «Dınamosy» 1975 jyly Eýropadaǵy eń beldi klýbtyq ataqty oljalady.
Al talaı mańyzdy matchtarda gol soǵyp, jasyl alańda keremet oıyn órgenimen kózge túsken 33 jastaǵy Oleg Blohın sol jyly qart qurlyqtyń eń úzdik oıynshysyna tıesili «Altyn dopty» ıelendi.