Aqtaý qalasy 33 sh/a kópqabatty úılerdiń birinen, naqtyraq aıtqanda 4-shi qabattan 4 jasar balanyń qulap ketkendigi jóninde "103" qyzmetine shaqyrtý túsken bolatyn. Oqıǵa qazan aıynyń 4 kúni saǵat shamamen 14:55 ýaqytynda bolǵan.Jedel járdem brıgadasy oqıǵa ornyna jedel jetip, jaraqat alǵan balany Mańǵystaý oblystyq kópbeıindi balalar aýrýhanasyna jetkizgen.Bul týraldy Mańǵystaý oblystyq densaýlyq saqtaý basqarmasy baspasóz qyzmeti habarlady.
Alǵashynda ol esin bilmegen, jansaqtaý bólimine jatqyzyldy. Ertesine kózin ashty, ota jasaý qajettiligi bolmaǵan. Súıeginiń synýy, bas mıynyń shaıqalýy, úshinshi dárejeli travmatıkalyq shok dıagnozy qoıyldy. Balanyń qazirgi jaǵdaıy turaqty. Búgin jansaqtaý bóliminen travmatologııa bólimine aýdaryldy. Mamandardyń aıtýynsha, kelesi dúısenbi, ıaǵnı 7 kúnnen úıine jiberiledi. Qalǵan em-dom sharalaryn turǵylyqty mekenjaıy boıynsha jalpy tájirıbeli dáriger jazyp bergen taǵaıyndaýǵa sáıkes júzege asyrylady.
Bıyl jyl basynan bergi 9 aıda bıiktikten qulaý deregi boıynsha 33 derek tirkeldi, onyń 17-si turǵyn úılerden qulaǵan. Sondaı-aq, jyl basynan beri 1 bala qaıtys bolǵan. Atap aıtqanda, 17 sh/a ornalasqan kópqabatty úılerdiń birinen, naqtyraq aıtqanda 8 qabattan qulaǵan 1 bala kóz jumdy.
Mańǵystaý oblysy