Sı Szınpın Pekınde AQSh prezıdenti Donald Trampty saltanatty túrde qabyldady. Kezdesý Halyq jınalys úıi ǵımaratynda ótti, dep habarlaıdy Egemen.kz.
Aldyn ala aqparat boıynsha taraptar ekijaqty qatynastardyń keń aýqymyn, sonyń ishinde halyqaralyq kún tártibin talqylaǵan.
Kelissózderdiń negizgi taqyryptarynyń biri Iranǵa qatysty bolýy múmkin dep boljanyp otyr. Vashıngton Qytaıdyń Ormuz buǵazy aımaǵyndaǵy shıelenisti sheshýge kómektesedi dep úmittenedi. Bul aımaq álemdik energetıka úshin strategııalyq mańyzǵa ıe.
Donald Tramp Qytaımen dostyq qarym-qatynasta bolý ózine úlken qurmet ekenin aıtyp, eki el arasyndaǵy qatynastardyń jaqsaratynyna senim bildirdi.
«Sizdiń dosyńyz bolý men úshin úlken qurmet, Qytaı men AQSh arasyndaǵy qarym-qatynas buryn-sońdy bolmaǵan deńgeıde jaqsarady», dedi Aq úı basshysy.
Tramp áleýmettik jelide Venesýelany AQSh-tyń 51-shtaty retinde kórsetti
Al Sı Szınpın Qytaı men AQSh «básekeles emes, seriktes bolýy tıis» ekenin atap ótti, bul tek eki el úshin ǵana emes, búkil álem úshin mańyzdy ekenin aıtty.
Donald Tramp Iranmen kelisimge kelý úshin áskerı operasııany toqtatty
Kezdesýge AQSh úkimeti men bıznes ókilderi de qatysty. Olardyń qatarynda Marko Rýbıo, Qarjy mınıstri Skott Bessent, Qorǵanys mınıstri Pıt Hegset, sondaı-aq Apple men Tesla kompanııalarynyń basshylary Tım Kýk pen Ilon Mask bar.