AQSh prezıdenti Donald Tramptyń koronavırýs indetinen emdelýine 100 myń dollardan asa qarajat ketken, dep habarlaıdy Egemen.kz New York Times-ke silteme jasap.
Úsh kún em alǵan Aq úı basshysy aýrýhanaǵa tikushaqpen baryp, tikushaqpen qaıtqan.
"Ol kóptegen koronavırýs testinen ótip, ottegi, steroıdter men antıdenelerge qatysty eksperımenttik em aldy. Amerıkalyq densaýlyq saqtaý júıesinde prezıdent emes adam úshin bul emdeý sharalaryna 100 myń dollardan asa qarajat ketedi", dep habarlady NYT. Basylym aýrýhanaǵa tikushaqpen baryp qaıtý 40 myń dollardy quraýy múmkin ekenin atap ótti. Aıta ketsek, koronavırýs juqtyrǵan Tramp úsh kún aýrýhanada emdelip, dúısenbide aýrýhanadan shyǵaryldy.