Ulytaý aýdanyndaǵy Joshy han kesenesiniń irgesinde salynyp jatqan iri tarıhı-mádenı keshenniń qurylysy qarqyndy júrgizilýde, dep habarlaıdy Egemen.kz. oblys ákiminiń baspasóz qyzmetine silteme jasap.
Qazirgi ýaqytta eki aýysym boıynsha eńbek etip júrgen qurylysshylar ǵımarattyń ishki árleý jumystaryn bastap ketken. Keshen qurylysymen tanysýǵa arnaıy barǵan oblys ákimi Jeńis Qasymbekke merdiger kompanııanyń basshysy Abaı Baıdildaev mundaǵy jumystardyń jyl sońynadeıin aıaqtalatynyn aıtty.
Mamandar tarıhı-mádenı keshenniń ishi kirpishtiń erekshe qalanýynyń arqasynda kún raıynyń qubylýyna qaramastan árdaıym jyly bolyp turatynyn aıtady. Ǵımarattyń ishinde Jezqazǵanóńiriniń kıeli jerlerine arnalǵan ekspozısııalar men demonstrasııalarǵa arnalǵan zaldar bar. Bul jerlerde dızaınerler tarıhı jazbalardy qalpyna keltirip, balaýyz músinderdi somdaıtyn bolady. Sondaı-aq, joba aıasynda týrıster úshin qonaq úı kesheni men ashana salynady. Eń sońynda keshen aýmaǵy abattandyrylyp, aınala kógal egiledi.
Qazirgi ýaqytta keshenniń qaq tórine Joshy hannyń bıiktigi bes metr bolatyn eńseli eskertkishi turǵyzylǵan. Aldaǵy ýaqytta ǵımarattyń aınalasyn etno-aýyl jaılaıtyn bolady. Ulttyq buıymdar men áshekeıler kórmelerin ótkizý úshin kıiz úıler men shatyrlar tigiledi.
Bolashaqta Joshy hannyń tarıhı-mádenı keshenin Altyn Orda dáýirin zertteýge arnalǵan ǵylymı ortalyqqa aınaldyrý josparlanǵan. Munda otandyq jáne sheteldik ǵalymdardyń qatysýymen ǵylymı konferensııalar men sımpozıýmdar uıymdastyrylatyn bolady. Budan bólek, atalǵan keshen bazasynda mektep oqýshylary úshin kóshpeli tarıh sabaqtaryn ótkizý de oılastyrylǵan.
Jalpy, Ulyq Ulys – Altyn Ordanyń 750 jyldyǵy qarsańynda salynyp jatqan Joshy hannyń tarıhı-mádenı kesheni qazaq halqynyń ótkenine qyzyǵýshylyq tanytqan jıhankez-saıahatshy qaýym úshin attyń terin aıamaı keletin ǵajap meken bolǵaly tur.
Qaraǵandy oblysy