39 jastaǵy aqtóbelik bir kúnde 2 urlyq jasaǵany úshin ustaldy, – dep habarlaıdy Egemen.kz Polisia.kz saıtyna silteme jasap.
6 qazanda patrýldik polısııa qyzmetkerleri urlyq jasady degen kúdikpen qylmys ornynda Aqtóbeniń 39 jastaǵy turǵynyn ustady. Kúdikti plastıkalyq tereze arqyly O.Koshevoı kóshesindegi bir úıge kirip, páter ıesine tıesili jeke múlkin jasyryn urlaýǵa talpynǵan. Alaıda páter ıeleriniń polısııaǵa ýaqtyly habarlasýynyń nátıjesinde kúdikti qylmys ornynda ustaldy.
Sondaı-aq dál osy kúni atalǵan er adamnyń O.Koshevoı kóshesindegi metall konteınerdi buzyp kirip, basqa urlyq jasaǵany belgili boldy. Ol konteınerge aspaly qulypty buzý arqyly kirip, JShS-niń biriniń dırektory 39 jastaǵy aqtóbelikke tıesili elektr jylytqyshyn jáne elektrli teskishti urlap ketken. Shyǵyn 61 myń teńgeni qurady.
Kúdikti qylmystyq áreketterin moıyndady jáne Aqtóbe qalasynyń ýaqytsha ustaý ızolıatoryna qamaldy. Atalǵan faktiler negizinde QR QK 188-baby 3-bóligi (Urlyq) boıynsha sotqa deıingi tergeý amaldary júrgizilýde.