BUU volonterleri qataryn tolyqtyrdy

BUU qurylymdaryna qo­syl­ǵan jastar turaqty damý salasynda óz biliktilikterin art­tyryp, bilimderin shyń­daı túsedi. Oǵan qosa óz táji­rıbesimen bólisip, volon­ter­liktiń damýyna úles qosa alady. Jastardyń barlyq shy­ǵyny memleket tarapynan óteledi.

BUU Volonterlerdiń Eýro­pa jáne Ortalyq Azııa­daǵy aımaqtyq menedjeri Dmı­trıı Frıshın jastardyń álem­dik alańda tájirıbe alma­sýyna Qazaqstannyń Aq­parat jáne qoǵamdyq damý mınıstrliginiń qoldaý bil­dir­genin málimdedi. «Qazaq­standyq jastar BUU qury­lym­darynda jumy­syn bastady. Talantty órender turaqty damý jolynda ınnovasııalyq ıdeıalarymen bólisip, tótenshe jaǵdaılardy sheshý sııaqty mindetter atqarady. Konkýrs negizinde iriktelip alynǵan volonterler óz elderiniń tá­jirıbesin halyqaralyq are­naǵa jetkizýmen qosa, Qa­zaqstan men basqa elder arasynda baılanys ornatýǵa múm­kindik alady. Sonymen bir­ge álemde beıbitshilik pen damýdy qamtamasyz etý maq­satynda halyqaralyq volonterlikti qoldaýmen aına­lysady», deıdi maman.

Konkýrs talaptary­ bo­ıynsha BUU volonterler qataryna 18 ben 29 jas araly­ǵyndaǵy azamattar tańdaldy. Buǵan deıin volonterlikpen aınalysqan, ózge eldiń má­denıeti men tilin syılaıtyn, halyqaralyq qatynas, damý salasynda bilimi bar, BUU júıesimen tanys jastarǵa basymdyq berildi.

Halyqaralyq uıymǵa tájirıbe jınaýǵa ketken Me­r­ýert Syzdyqbekova búginde BUU-nyń «BUU Áıelder» aı­­­maqtyq ofısiniń qorshaǵan or­­ta jáne klımattyń ózgerýi boıyn­sha mamany bolyp qyz­met atqarady. «Men BUU-nyń  volonteri bolý tulǵalyq da­­­mýym úshin de, kásibı tur­­ǵyda damýym úshin de paı­daly dep bilemin. Mol tá­jirıbe jınap, óz salamda paı­daly baılanys ornatýǵa múmkindik týyp tur. Oǵan qosa bul – sheteldikterden olar­dyń mádenıeti týraly tanymymdy keńeıtip, álem elderin aralaýǵa qo­laıly sát. Ýnıversıtet qa­byr­ǵasynda stýdentter­men «BUU Modelin» uıym­das­tyryp, oqý ornynda BUU Bas Assambleıasy men Qa­ýipsizdik Keńesiniń ju­my­­syn qaıtalaǵandaı bola­tyn­byz. Sol kezde keleshek­te shynymen BUU syndy mańyzdy halyqaralyq uıym­nyń múshesi bolatynym oıyma kelmeıtin de. Bul baǵ­darlama aıasynda turaqty damý salasyndaǵy ozyq táji­rıbelerdi úırenip, týǵan eli­me, barlyq álemge paıdaly bo­latyn eńbek sińiremin degen senimim bar», deıdi.

BUU-daǵy Qazaqstannyń turaqty ókili Qaırat Oma­rov jastar bul saladaǵy tá­jirıbeli mamandardan úı­renip, eldegi volonterlikti damytýǵa úlken úles qosady degen senimin jetkizdi. «Ne­gizinen, Qazaqstandaǵy volon­terliktiń tamyry tereńde. Qazaqstan BUU-men birlesip beıbitshilik pen meıirimdi dáripteýge kúsh salyp ke­ledi. 2019 jyly Qazaqstan Úkimetiniń BUU Volonterler baǵdarlamasymen kelisimshart jasaýy buǵan jaqsy dálel. Bul bastama nátıjesinde 7 qa­zaqstandyq halyqaralyq volonterlikpen aınalysyp, álemdik tájirıbeni elge alyp kelý múmkindigine ıe bolyp otyr», dedi Q.Omarov.

Zamandastarynan  oq boıy ozyp shyǵyp, halyqaralyq volonterlikke Qazaqstan aty­nan úles qosatyndarǵa toq­talsaq. Iordanııa astanasy Ammanǵa attanǵan otanda­symyz Aınur Kanafına Dú­nıejúzi densaýlyq saqtaý uıy­mynda saıasat máseleleri boıynsha keńesshi bolyp qyz­met etedi. Bang­kokqa ketken Farıza Mu­qa­no­va Halyqaralyq mıgrasııa uıymynyń Eńbek mıgra­sııasyn qoldaý bóliminde qyz­met atqarady. Merýert Syz­dyq­bekova – «BUU Áıelder» qorynda qorshaǵan orta men klımattyń ózgerýi boıynsha maman. Ol qazir Túrkııanyń Ystanbul qalasynda turady. IýNISEF uıymyna eki bir­deı otandasymyz attandy. Uıymnyń Naırobıdegi (Kenııa) bóliminde jumysqa kirisken Gúlmıra Túsipbekova mek­tepke deıingi bilim berý bóliminde biliktiligin shyń­daıdy. Al Dılshat Júsipova IýNISEF-tiń Bangkoktaǵy bólimshesine kommýnıkasııa mamany bolyp jumysqa turdy. BUU-nyń damý jó­nindegi baǵdarlamasy da eki qazaqstandyqpen tolyqty. Dına Aqylbekova men Dıana Dúısembaeva Ystanbulda serik­testikti qoldaý boıyn­sha tájirıbeden ótpek. Al­daǵy ýaqytta halyqaralyq uıymdarda bilimin synap, tájirıbeden ótip jatqan otandastarymyzben suhbat usyný oıymyzda bar.