Atyraý oblysynyń bas memlekettik sanıtarlyq dárigeri Asylbek Sharov karantındik shekteý sharalaryn uzartý týraly qaýlyǵa qol qoıdy, dep habarlaıdy Egemen.kz.
"Atyraý oblysynyń aýmaǵynda 2020 jylǵy 12 qazan saǵat 00:00-den bastap COVID-19 - dyń epıdemıologııalyq ahýaly turaqtanǵanǵa deıin shekteý sharalary uzartylsyn. Bes jasqa deıingi balalardy, qoǵamdyq tamaqtaný oryndarynda tamaqtaný jaǵdaılaryn, jeke jáne 5 adamnan aspaıtyn toptyq sportpen aınalysatyn adamdardy qospaǵanda, áleýmettik qashyqtyqty mindetti túrde saqtaı otyryp, qoǵamdyq oryndarda, qoǵamdyq transportta, halyqqa qyzmet kórsetý jáne demalýǵa arnalǵan ǵımarattarda, ashyq aýada medısınalyq nemese mata betperdelerin kııý mindetti", delingen qaýlyda.
Bas sanıtarlyq dárigerdiń qaýlysymen bir mezgilde jabyq ǵımarattarda 30 adamnan aspaıtyn, ashyq alańdarda 50 adamnan aspaıtyn, keminde 2 metr áleýmettik qashyqtyqty jáne kúsheıtilgen sanıtarlyq-dezınfeksııalyq rejımdi saqtaı otyryp, bir otbasy múshelerin qospaǵanda bir ústelge 4 adamnan aspaıtyn adam sany otyrǵyzylyp, qoǵamdyq tamaqtandyrý obektileriniń (kafeler, meıramhanalar jáne basqalar) qyzmeti saǵat 08:00-dan 22:00-ge deıin, jabyq azyq-túlik jáne azyq-túlik emes bazarlardyń jalpy syıymdylyǵynyń 30%-nan aspaıtyn tolymdylyǵy kezinde kúsheıtilgen sanıtarlyq-dezınfeksııalyq rejımdi saqtaı otyryp, 1 kelýshige 4 sharshy metr esebinen áleýmettik qashyqtyqty saqtaı otyryp, jumys jasaý ýaqyty 17.00-ge deıin shekteldi.
Kúsheıtilgen sanıtarlyq-dezınfeksııalyq rejımdi saqtaı otyryp, bir adamǵa 4 sharshy metr esebinen áleýmettik qashyqtyqty eskere otyryp, jalpy syıymdylyǵynyń 30%-nan aspaıtyn saýda-oıyn-saýyq ortalyqtary, saýda úıleri (býtıkter), saýda jelileri azyq-túlik bólimderi mendárihanalardy qospaǵanda saǵat 22:00-ge deıin jumys isteıdi.