Nur-Sultan qalasynyń ákimi Altaı Kólginov "Astana aqshamy" basylymyn 30 jyldyq mereıtoıymen quttyqtady, dep habarlaıdy Egemen.kz Elorda ınfo saıtyna silteme jasap.
"Qurmetti "Astana aqshamy" gazetiniń ujymy!
Qalanyń jylnamasyn jazyp kele jatqan "Astana aqshamy" ujymyn gazettiń jaryq kórgenine 30 jyl tolýymen shyn júrekten quttyqtaımyn!
Turǵyndarǵa qalanyń tynys-tirshiligin baıandap qana qoımaı, el rýhanııatynyń mańyzdy máselelerin kóterip, memleketimizdiń mádenı-rýhanı turǵyda damýyna úles qosyp kele jatqan gazettiń órkendeı berýine tilektespin!
Eńbekterińizge tabys tileı otyryp, elordamyzdyń qoǵamdyq ómirin odan ári ilgeriletý jolyndaǵy jumystaryńyzǵa alǵysymdy aıtamyn", dedi Altaı Kólginov.