Densaýlyq saqtaý mınıstri Alekseı Soı OKQ alańynda ótken baspasóz máslıhatynda indettiń bastapqy kezeńinde aýyrǵan naýqastar qaıta syrqattanýy múmkin dep topshalady, dep habarlaıdy Egemen.kz
"Ǵalymdardyń ártúrli pikirine súıensek, koronavırýsty jeńil kótergen azamattardyń aǵzasynda antıdene 1 aı ýaqytqa, al orta nemese aýyr kótergenderdiń aǵzasynda 3-5 aıǵa deıin saqtalady. Bizdiń elde koronavırýs juqtyrýdyń sharyqtaý shegi osy jyldyń maýsym-shilde aılaryna kelgeni belgili. Eger biz taldaý jasap kórsek, atalǵan ýaqyttan 3-5 aıdan keıin, ıaǵnı qarasha-jeltoqsan aılarynda koronavırýsty orta nemese aýyr jaǵdaıda kótergenderdiń aǵzasynda antıdeneler quryp bara jatyr. Sol sebepti olardyń qaıtadan aýrýǵa shaldyǵý yqtımaldyǵy, qaýpi bar", dedi Alekseı Soı.
Onyń aıtýynsha, álemde koronavırýsty qaıta juqtyrý jaǵdaıy tirkelgenimen, Qazaqstanda mundaı adamnyń áli kezdespegenin málimdedi.
AQSh azamaty 1 jarym aıdan soń qaıta aýyrdy
Eske sala keteıik, AQSh azamaty 1 jarym aıdan soń COVID-19-ǵa qaıta shaldyqqany jaıly Agence France-Presse jazǵan edi.