Almaty qalasynyń polısııa qyzmetkerleri arnaıy monıtorıngtik toptardyń quramynda júrip, karantındik standarttardyń saqtalýy boıynsha turǵyndar arasynda túsindirý jumystaryn kúsheıtýge baǵyttalǵan reıdtik is-sharalardy jalǵastyrýda, dep habarlaıdy Egemen.kz.
«Birinshiden, biz betperde rejımin saqtaý týraly aıtyp otyrmyz, ol búginde azamattardy jeke qorǵaýdyń negizgi ádisteriniń biri bolyp tabylady. Tájirıbe kórsetkendeı, keıbireýler karantındi saqtaýdy múldem toqtatqan: olar medısınalyq betperdelerin sheship, qonaqqa baryp júr, qoldaryn jáne úılerin antıseptıkpen tazalaýdy umytyp ketken. Al bul koronavırýstyq ınfeksııanyń taralýyna áser etetin tikeleı faktorlar, bul ınfeksııanyń qolaıly ortasy. Osyǵan baılanysty azamattardyń jappaı demalý oryndarynda jáne qoǵamdyq kólikterde túsindirý jumystary kúsheıtildi. Polısııa qyzmetkerleri, SES jáne aýdan ákimdikterinen qurylǵan ondaǵan mobıldi top óz jumystaryn jalǵastyrýda», - deıdi Almaty qalalyq polısııa Departamenti bastyǵynyń orynbasary, polısııa polkovnıgi Nurlan Almasbekov.
Sonymen qatar tártip saqshylary betperde rejımin, áleýmettik araqashyqtyqty jáne karantındik talaptardy qatań saqtaýǵa shaqyrady.
«Bul Sizdiń jáne jaqyndaryńyzdyń densaýlyǵynyń qaýipsizdiginiń kepili. Árkim qaýiptiń áli ótpegenin jáne qorǵanys quraly ınfeksııanyń taralýyn barynsha azaıtýǵa kómektesetinin túsinýi mańyzdy. Polısııa qyzmetkerleri túsindirý jumystaryna baǵyttalǵan. Qandaı da bir sebeptermen betperde rejımin saqtamaıtyn azamattar úshin ınspektorlar medısınalyq betperde kııý kerektigin eske salyp, ony usynady. Mundaı jumys barlyq jerde júrgiziledi», - deıdi polkovnık Almasbekov.