Búgin oblys ákimi Gúlshara Ábdiqalyqovanyń tóraǵalyǵymen apparattyq májilis ótti, dep habarlaıdy Egemen.kz
Kún tártibinde óńirdiń áleýmettik-ekonomıkalyq damýynyń 2020 jyldyń 9 aılyq qorytyndysy, oblys bıýdjetiniń ıgerilý barysy men boljamy, Jumyspen qamtýdyń 2020-2021 jyldarǵa arnalǵan jol kartasynyń oryndalýy jáne jylý berý maýsymynyń bastalý barysy sóz boldy.
О́ńirdiń áleýmettik-ekonomıkalyq damýynyń 2020 jyldyń 9 aılyq qorytyndysy boıynsha ekonomıka jáne bıýdjettik josparlaý basqarmasynyń basshysy Nurǵalı Qordabaı baıandady.
Búgingi tańda ekonomıkalyq damýdy sıpattaıtyn makrokórsetkishterdiń birqatary boıynsha ósim baıqalady. О́nerkásiptiń óńdeýshi sektory 3,5%, aýyl sharýashylyǵyǵynyń jalpy ónimi 3,1%, jáne turǵyn úılerdi paıdalanýǵa berý 0,4% artty.
"Aýyl el besigi", "Qyzylorda oblysynyń ekonomıkalyq damý jospary", "Jumyspen qamtýdyń Jol kartasy", "Qarapaıym zattar ekonomıkasy" jáne memlekettik baǵdarlamalary aıasynda atqarylyp jatqan jumystar-qurylys salý kólemi, negizgi kapıtalǵa ınvestısııalar tartý kórsetkishteri boıynsha mejeni oryndap qana qoımaı, oǵan qosa óńdeýshi ónerkásip, aýyl sharýashylyǵy, saýda jáne qyzmet kórsetý salalaryna da oń yqpal etpek.
"Aýyl el besigi" jobasy aıasynda aǵymdaǵy jyly oblysymyzǵa 62 ınvestısııalyq jobany júzege asyrý úshin 5,1 mlrd tenge bólingen. Búginde 35 joba tolyǵymen iske asyryldy.
Aımaq basshysy bıýdjettik baǵdarlamalar ákimshileri, aýdandar jáne Qyzylorda qalasynyń ákimderi aımaqtyń áleýmettik-ekonomıkalyq damýynyń makrokórsetkishteri boıynsha 2020 jyldyń josparly parametrlerine qol jetkizýdi qamtamasyz etýdi jáne statıska departamentimen birlesip, aı saıyn ekonomıkalyq kórsetkishterdiń oryndalýyna aldyn-ala taldaý jasap, oń tendensııany qamtamasyz etýdi tapsyrdy.
Sonymen qatar, Aral, Jalaǵash jáne Jańaqorǵan aýdan ákimderine "Aýyl-El besigi" jobasymen 2020 jylǵa josparlanǵan qarjylardy tolyq ıgerýdi jáne nysandardyń iske qosylýyn, al, oblystyq qurylys, sáýlet jáne qala qurylysy basqarmasy basshysyna qala jáne aýdan ákimderimen birlesip barlyq kózderden júzege asyrylyp jatqan qurylys jumystarynyń esebin júrgizip, atqarylǵan jumystardyń statıstıkalyq esepterge engizilýin qamtamasyz etýdi júktedi.
Munymen qosa, oblys ákimi Gúlshara Ábdiqalyqova óńirdiń áleýmettik-ekonomıkalyq damýynyń 9 aılyq qorytyndysy boıynsha ındýstrııaldyq-ınnovasııalyq damý, kásipkerlik jáne týrızm, jolaýshylar kóligi jáne avtomobıl joldary basqarmalaryna naqty tapsyrmalar berdi.
Kún tártibindegi basqa da máselelerge oraı oblystyq qarjy basqarmasynyń basshysy Elena Shavrova, jumyspen qamtýdy úılestirý jáne áleýmettik baǵdarlamalar basqarmasynyń basshysy Gaýhar Qalmaqova, energetıka jáne turǵyn úı-kommýnaldyq sharýashylyq basqarmasynyń jetekshisi Rýslan Nurmaǵanbetov habarlama jasady.
Oblys basshysy ár sala boıynsha máselelerdi saralap, basqarma basshylaryna naqty tapsyrmalar júktedi.