Osy jyldyń 9 aıynda Qyzylorda qalasynyń Polısııa basqarmasyna 41 turǵynnan azamattardyń habar-osharsyz ketý derekteri boıynsha aryz kelip túsken. Olardyń ishinde, polısııa qyzmetkerleriniń kásibı sheberliginiń arqasynda 36 azamat anyqtalyp, otbasylaryna oraldy.
Joǵalǵandar arasynda kámeletke tolmaǵandar dabar. Olardyń kópshiliginiń ata-analary ishimdikke salynǵan. Mundaı otbasylar profılaktıkalyq esepke alynyp, olarmen birqatar jumystarjúrgizilýde.
Ata-analary qaraýsyz qaldyrylǵan kishkentaı balalar syrtta oınap, úılerinen adasyp ketetin derekter de kezdesedi. Mundaı jaǵdaıda olardyń ata-analary birden polısııa qyzmetkerlerinen kómek suraıdy.
Joǵalǵan adamdardy izdeý barysynda polıseılerge belsendi eriktiler kómek kórsetýde.Basqarmanyń krımınaldyq polısııa bóliminiń qyzmetkerleri belsendilermen birlesip, izdestirý jumystaryn júrgizedi. Birlesken tıimdi sharalar nátıjesinde 6 jasóspirim ata-analaryna qaıtaryldy.
Mysaly, 12 qazan kúni saǵat 23:20 shamasynda «Instagram» jelisine Qyzylorda qalasyturǵynynyń kámeletke tolmaǵan 12 jastaǵy balasynyń tańerteń oınaýǵa shyǵyp, úıine kelmegendigi jóninde jarııalanymy shyqty.
Ony izdeý úshin qalalyq Polısııa basqarmasynyń qyzmetkerleri jumyldyryldy jáne belsendi eriktiler óz kómekterin usyndy. Polısııa qyzmetkerleri barlyq polısııa ýchaskelerine baǵyt-baǵdar berip, adamdar kóp jınalatyn oryndardy, shatyrlar men qaraýsyz qalǵan ǵımarattardy tekserdi.
Izdestirý jumystary barysynda joǵalǵan jasóspirim túngi saǵat 23:10 shamasynda kórshi úıdiń aýlasynda tabylyp, ata-anasyna tapsyryldy.Balanyń anasy polıseılerge óz alǵysyn bildirdi.