Salın artemııasy dep atalatyn shaıandar Soltústik Qazaqstannyń ashyly kólderinde de bar eken. Munda da ony jınap, shetelge satatyn sýyqqoldylar shyǵypty. Qytaıda osy shaıandardan dári-dármek, opa-dalap jáne t.b. jasaıdy. Sondyqtan baǵasy da qymbat, dep habarlaıdy Egemen.kz.
Jýyrda Mamlıýt aýdanyndaǵy bir kólden osyndaı shaıandardyń salmaǵy 1 tonna 347 kg bolatyn 33 qapshyǵy aýlanǵan. Ony kóldi jalǵa alǵan adam kórip, polısııaǵa habarlaǵan. Polısııa shaıan jınaýshy tórt adamdy ustap, zańsyz isterine shara qoldaný úshin ústerinen is qozǵady. Endi tabıǵatqa kesel keltirýshilerdiń jazasyn sot anyqtaıtyn bolady.