Munaı-hımııa kásiporny bıyl jazda indetke shaldyqqan naýqastardy ottegimen qamtamasyz etetin ottegi ballondaryn ornatatyn qosymsha stansa qurdy. Bul qurylǵy oblys ortalyǵyndaǵy №3 aýrýhanaǵa ornatyldy.
Stansa tabıǵı jeldetkishi bar metall úıshikten turady, onyń ottegi syıymdylyǵyn saqtaý jáne paıdalaný kezinde mańyzy óte joǵary. Ottegi saýytyn saqtaýǵa jáne toltyrýǵa arnalǵan arnaıy alańǵa 30 ballon qoıýǵa bolady. Bul jaǵdaıda 15 qondyrǵy jumys isteıdi (ony rampaǵa qosqanda) jáne 15 kamera qosymsha saqtalady. Ottegi stansasyn qurastyrý jumystary qysqa merzimde zaýyttyń bas mamany Sergeı Panfılovtyń jetekshiligimen júzege asyryldy. Stansa barlyq erekshelikti eskere jáne paıdalanýdyń barlyq normatıvtik qaǵıdalaryn saqtaı otyryp ornatyldy.
Kásiporynnyń ózinde «Densaýlyq saqtaý ortalyǵy» jumys isteıdi. Zaýyttyń jumysshylary em alý úshin óndiristen qol úzbeı qajetti zertteýlerden ótýge múmkindikteri bar. Qabyldaýdy tájirıbesi mol bilikti dárigerler júrgizedi. Jedel járdem brıgadasy quramynda reanımatolog jáne feldsherler bar, olar táýlik boıy kezekshilik etedi. Saýyqtyrý pýnkti jedel jáne shuǵyl medısınalyq kómekke arnalǵan dári-dármekter jáne jabdyqtarmen tolyq qamtamasyz etilgen. Pýlsoksımetr, defıbrıllıator, elektrokardıograf, vakýým shınalary, ottegi apparaty, tynys alý apparattary, reanımasııalyq sómke sııaqty barlyq zamanaýı jabdyqtarmen jabdyqtalǵan reanımobıl bar. Jumysshylarǵa medısınalyq qyzmet kórsetýdiń biryńǵaı júıesine «Neftehımık» profılaktorııinde saýyqtyrylý da qosylady. Jyl saıyn 400-ge jýyq jumysker men olardyń otbasy músheleri emdeledi.
Qazir «Munaı-hımııa» JShS partııa músheleri jergilikti Nur Otan fraksııasy arqyly az qamtylǵan otbasylarǵa kómek qolyn sozý baǵytyna belsendi qatysýdy jalǵastyrýda. Mysaly, oblys ortalyǵynda turatyn bir jasar ulyn jalǵyz tárbıelep otyrǵan jas ana Merýert Hasenova kómek surap partııanyń jergilikti bólimshesine júgingen eken. Bul habardy estigen «Munaı-hımııa» zaýytynyń bas dırektory, bastaýysh partııa uıymynyń tóraǵasy Ospanbek Álseıitov óz atynan Merýertke jeke kómek retinde kishkentaı nárestege arnalǵan qajetti buıymdar, jaıalyqtar satyp alyp berdi. Basshy bastaǵan qamqorlyq zaýyt jumysshylaryna da úlgi bolyp, kásiporynnyń belsendileri jalǵyzilikti zeınetkerlerge arnalǵan birqatar ıgi isti jalǵastyrdy.
Bıyl elimizde «Qamqorlyq» qaıyrymdylyq aılyǵy aıasynda qarttarǵa áleýmettik kómek kórsetilýde. Erekshe nazar jalǵyzilikti jáne jalǵyz basty qart adamdarǵa, eń tómengi zeınetaqy alatyndarǵa, múgedek balalardy kútýshilerge aýdarylýda. Kásiporyn basshysy O.Álseıitov bastaǵan partııa belsendileri oblys ortalyǵynda turatyn, eńbek demalysyna shyqqan Rystaı Ýsanova, Altyn Jaqasheva, Serik Balyqbaev, Tilektes Rahmanǵulova, Tursyn Iskakova, Tilektes Qojaǵulova, Ekaterına Podzolko, Shaızat Smaǵulova, Rımma Peıhvasser, Nına Kovalenskaıa sııaqty jalǵyzilikti jáne densaýlyǵyna baılanysty dalaǵa shyǵa almaıtyn zeınetkerlerdiń úılerine baryp, azyq-túlik toly sómkeler tabys etti.
– Zeınetkerler árqashan kúz mezgilin jaqsy kóńilmen, senimdilik sezimimen qarsy alsyn. Olardy zaýyt ujymy qurmetteıtinine jáne este saqtaıtynyna senimdi bolsyn, – deıdi munaı óndirýshiler.
Budan keıin zaýyt ókilderi kelesi saparlaryn Tereńkól aýdanynyń Peschanoe aýylyna arnady. Osy aýyldaǵy arnaıy mekteptiń túlekterine jáne arnaıy áleýmettik qyzmetter alatyn balalarǵa kómek kórsetti. Bıyl oblystyq Jumyspen qamtýdy úılestirý jáne áleýmettik baǵdarlamalar basqarmasyna qarasty Arnaıy áleýmettik qyzmetterdi usyný boıynsha balalar psıhonevrologııalyq ortalyǵy Munaı-hımııa zaýytynan patronattyq kómek retinde kompıýterler aldy. Ortalyqta 3-ten 18 jasqa deıingi múgedek balalar oqytylady, olarǵa osy kompıýterler arqyly túzetý sabaqtary ótkiziledi. Sonymen birge bıylǵy jańa oqý jylynda zaýyt áleýmettik jaýapty kásiporyn retinde mektep jasyndaǵy balalary bar jumysshylarǵa kómek berdi. Iаǵnı jyl saıynǵy oqý jyly aldynda materıaldyq kómek berý dástúrge aınalǵan «Mektepke jol» sharasyn jalǵastyrdy.
Munaıshylar ujymy birneshe jyl boıy Peschanoe aýylyndaǵy №2 arnaıy mektep-ınternat túlekterine qamqorlyq kórsetip keledi. Zaýyt ujymy men «Munaı óndirýshiler» kásipodaq birlestiginiń ókilderi atynan zaýyt jumysshylary jınaǵan qarajatqa 11 jasóspirim syrtqy kıim, aıaq kıim, shulyq, ish kıimder jáne jeke gıgıena zattaryn aldy.
– Jasóspirimderge kúsh-jiger men bolashaq jańa ómirlerine degen senimdilik tileımiz. Olardyń aldaǵy ómirleri bizdiń zaýyt jumysshylarynyń ómiri, eńbek joldary sekildi tabysty, jeńisti bolsyn! Biz olardy óndiriste eńbek etetin jastar retinde kútetin bolamyz, – deıdi zaýyttyń personaldy basqarý departamentiniń dırektory Altyn Imantaeva.
Pavlodar oblysy