Qarmaqshy aýdanynda Qutqarýshylar kúnine oraı shara ótip, onda aýdan ákiminiń orynbasary J.Súıeýbaev sala qyzmetkerlerin quttyqtap, azamattyq qorǵaý organdarynyń birqatar ókilderine marapat tabystady, dep habarlaıdy Egemen.kz
– Qutqarýshynyń qoǵam aldynda mártebesi joǵary. Kásibı mindetin buljytpaı oryndap, qyzmet babynda qaısarlyq pen ójettik kórsetip, adam ómirin túrli apattar men qaýip-qaterlerden saqtap qalatyn sala ókilderine halyqtyń aıtar alǵysy men rızashylyǵy qashanda zor, – dedi aýdan ákiminiń orynbasary.
Sonymen birge sharada ústimizdegi jyldyń maýsym aıynda Syrdarııa ózenine batyp bara jatqan eki jasóspirimdi qutqaryp qalǵan Elpanov Egeýbaı Áskerbekulynyń ata-anasyna Tótenshe jaǵdaılar mınıstrliginiń medali tabystaldy. Eki adamdy qutqaryp, ózi sýǵa ketken Egeýbaı Elpanovtyń ákesi Áskerbek Elpanov sóz alyp, erlikti elegen kópshilikke rızashylyǵyn jetkizdi.
Sondaı-aq sharada sala úzdikteri túrli marapattar ıelendi.