Parlamenttik tájirıbemizde alǵash ret partııalyq tizimge áıelder men jastar úshin 30 paıyzdyq kvota engizildi. Bul týraly Prezıdent Qasym-Jomart Toqaevtyń Májilis jáne máslıhat depýtattarynyń saılaýy týraly úndeýinde aıtylǵan, dep habarlaıdy Egemen.kz.
- "Qazaqstan Respýblıkasyndaǵy saılaý týraly" konstıtýsııalyq zańda jáne "Saıası partııalar týraly" zańda qarastyrylǵan erejeler boıynsha parlamenttik tájirıbemizde alǵash ret partııalyq tizimge áıelder men jastar úshin 30 paıyzdyq kvota engizildi. Bul norma Parlamentke jáne jergilikti ókildi organdarǵa áıelder men jastardy tartýdyń tıimdi joly retinde olardyń elimizdegi qoǵamdyq-saıası úderisterge belsendi qatysýyna septigin tıgizedi, - delingen Prezıdent úndeýinde.
Eske sala keteıik, búgin Memleket basshysynyń Májilis jáne máslıhat depýtattarynyń saılaýy týraly úndeýi jarııalandy.