Aqtaý qalasyndaǵy joǵarǵy, tehnıkalyq jáne kásiptik oqý oryndary stýdentteriniń zııatkerligin zerdelep, biliktiligin shyńdaý maqsatynda uıymdastyrylǵan saıys karantın rejımine baılanysty “Quizizz” baǵdarlamasy arqyly onlaın túrde ótken. Bul týraly Aqtaý qalasynyń ákimdiginiń "Aqtaý qalalyq qoǵamdyq damý ortalyǵy" MDK KMM dırektory Dáýlet Saǵyntaev málim etti, dep habaralıdy Mańǵystaý oblystyq kommýnıkasııa ortalyǵy.
Saıysta Sh.Esenov atyndaǵy KMTjIÝ-diń "YU toby", Muryn jyraý Seńgirbekuly atyndaǵy Mańǵystaý gımanıtarlyq kolledjiniń "IQ toby", Halel О́zbekǵalıev atyndaǵy Mańǵystaý Polıtehnıkalyq kolledji atynan "Polıteh Live toby", Mańǵystaý týrızm kolledjinen "Shańyraq toby", Aqtaý tehnologııalyq qyzmet kórsetý kolledjiniń "Samǵaý toby", Sh.Esenov atyndaǵy KMTjIÝ kópsalaly kolledjinde qurylǵan "Esenov alǵyrlary" jáne "Meıirbıke" kolledjiniń "MMK toby" syndy 7 komanda qatysty.
"Atalǵan komandalar 3 kezeń boıynsha saıysyp, jalpy jáne salt-dástúrlerge arnalǵan suraqtar boıynsha jaýap berdi. Saıys barysynda (Quizizz) baǵdarlamasy arqyly joǵarǵy upaı jınaǵan “Samǵaý toby”, “MMK toby” jáne “Esenov alǵyrlary” men “IQ”toby fınalǵa joldama aldy. Al, tómengi upaı jınaǵan komandalar arnaıy alǵys hatpen marapattaldy. Fınal kelesi aıda ótedi dep josparlanýda", deıdi ortalyq dırektory.