Almaty oblysy jylyjaı sharýashylyqtaryn damytýǵa kóp kóńil bólinip, búginde mundaı keshenderdiń kópshiligi zamanaýı tehnologııaǵa kóshken. Máselen, Uıǵyr aýdanyndaǵy "Ekoprodýktplıýs" jylyjaıy túrkııalyq tehnologııany paıdalanyp, avtomattandyrylǵan júıede jumys isteıdi. Osyndaı ozyq tájirıbeniń arqasynda sharýashylyq jylyna 500 tonnaǵa deıin ónim jınaýdy josparlap otyr, - dep habarlaıdy Egemen.kz Almaty oblysy ákiminiń baspasóz qyzmetine silteme jasap.
Maýsymaralyq kezeńde kókónispen óńirdiń ózin ózi qamtýyna, azyq-túlik qaýipsizdigin qamtamasyz etýge jáne kókónis baǵasyn turaqtandyrýǵa yqpal etetin tıimdi sharanyń biri – jylyjaı sharýashylyǵyn damytý. Bul jaǵynan Uıǵyr aýdany jeriniń qunarlylyǵy, tabıǵatynyń qolaılylyǵy jylyjaı sharýashylyǵy úshin asa tıimdi. Oǵan qosa avtomattandyrylǵan júıeni engizý, tamshylatyp sýarý jáne tyńaıtqyshtardy qosý ádisi men jylý júıesin ornatý sııaqty ozyq tehnologııalarǵa kóshý sharýashylyqtarǵa ónimniń sapasyn jaqsartý men men tabysty eseleı túsýge jaqsy múmkindik berip otyr. Jer astynan shyǵatyn ystyq sý men kún sáýlesiniń qyzýy da kádege asýda. Tabıǵat syıy biraz shyǵyndy azaıtýǵa septigin tıgizip otyr.
Osy aýdandaǵy "Ekoprodýktplıýs" jylyjaıynyń dırektory, jergilikti kásipker R. Basıtovtyń aıtýynsha, keshenge Túrkııanyń tehnologııasy qoıylyp, klımatty baqylaý júıesi ornatylǵan. Atalǵan tehnologııa jyl boıy birqalypty temperatýrany saqtaýǵa múmkindik beredi. 2019 jyldyń sáýir aıynda salyna bastaǵan jylyjaı kesheni sol jyldyń qazan aıynda qoldanysqa berilgen. Keshenniń aýmaǵy 1,5 gektardy quraıdy. Negizginen qııar, qyzanaq, jýa ósirýge den qoıyp otyr.
Jalpy joba jetekshileri jylyna 500 tonnaǵa deıin ónim alýdy mejelegen. О́nimderdiń basym bóligi el aýmaǵyna shyǵarylyp, kórshiles memleketterge eksporttalýda. Munda qazir 15 adam turaqty jumyspen qamtylǵan.
Oblystyq aýyl sharýashylyǵy basqarmasynyń málimetinshe, jalpy Almaty oblysynda búginde 101,1 gektar jerde 101 jylyjaı tirkelgen. Olarda 1 qazandaǵy málimet boıynsha 24,5 myń ónim, ıaǵnı qııar men qyzanaq jınaldy.