Qaýipti indet qaıta kóbeıdi

Osyǵan oraı oblys ákimi Mahambet Dosmuhambetov den­saý­­lyq saqtaý salasyndaǵy or­gan­dardyń basshylarymen keńes ótkizip, koronavırýstyń ekinshi tolqynyna qatysty saqtyq sharalaryn kúsheıtýdi tapsyrdy. О́ıt­keni sońǵy kezdegi ahýal osyndaı qadam jasaýǵa sebep bolyp otyr. Sondyqtan aımaq basshysy buǵan deıingi tájirıbeni eskerip, shildeden beri reıd júrgizetin 114 mobıldik toptyń jumysyn jandandyrý qajettigine nazar aýdardy.

– Biz úshin ár azamattyń saý­ly­ǵy men qaýipsizdiginiń ma­ńyzy zor. Dárigerlerdiń nusqaýyna sáıkes, medısınalyq mas­ka taǵýǵa beıjaı qaraýǵa bolmaı­dy. Araqashyqtyqty, bas mem­le­kettik sanıtarlyq dáriger qol qoıǵan qaýlynyń qaǵıda­la­ryn saqtaý basty talap ekenin umyt­paý kerek. О́ıtkeni koronavırýs ınfeksııasynyń qaýpi áli seıilgen joq. Sol sebepten bizge qazir bosańsıtyn emes, keri­sin­she qaýipsizdikti kúsheıtetin ýa­qyt keldi, – dedi oblys ákimi M.Dosmuhambetov.

Ákimniń pikirinshe, mobıldik toptar turǵyndarǵa da, kásip­ker­lerge de koronavırýs ınfek­sııasynyń qaýpi týraly túsindirýdi jalǵastyrý kerek. Al shekteý talaptaryn óreskel buzatyndar bolsa, tıisti jazaǵa tartylýy tıis.

– Qazir pandemııanyń ekinshi tolqynyna daıyndyq kúsheı­til­di. Alaıda turǵyndar men ká­sip­kerler arasynda óńirdiń bas sa­nıtarlyq dárigeri bekitken qaý­lynyń talaptaryn buzý jaıttary kezdesip otyr. Qaýipti vırýs salǵyrttyqty kótermeıdi. Sondyqtan ár turǵyn sanıtarlyq talapty tolyq saqtaǵanda ǵana qaýipti ınfeksııanyń taralýyn tolyq toqtata alamyz. Bul – eldiń qaýipti indetten aman shyǵýynyń jalǵyz joly, – dedi oblys ákimi.

Ákimniń aıtýyna qaraǵanda, óńirde qurylǵan 114 mobıldik top 5 shilde-17 qazan aralyǵynda 3 315 tekseris júrgizipti. Tekserý kezinde karantındik shekteý talaptaryn buzýdyń 477 deregin anyqtap otyr.

О́ńirde qaýipti indettiń tara­lýy­nyń aldyn alý úshin H.Dos­pa­nova atyndaǵy halyqaralyq áýejaıda shetelden ushyp ke­le­tin jolaýshylar jedel tek­se­ri­ledi. Oblystyq taýarlar men kór­setiletin qyzmetterdiń sapa­sy men qaýipsizdigin baqylaý depar­ta­menti taratqan aqparatyna súıen­sek, munaıly óńirge shet mem­leketterden 19 qazanda bes áýe reısi ushyp kelipti. Halyqaralyq áýe reısterimen jetken 523 jolaýshynyń 64-inde PTR-test qorytyndysy bolmaı shyǵypty. Sol sebepten jolaýshylar karan­tındik stasıonarlarǵa jatqy­zyl­dy. Alaıda barlyq jolaýshydan alynǵan synamanyń zertteý qorytyndysy teris nátıje kórsetti. Qaýipti ınfeksııa anyq­tal­maǵandyqtan, jolaýshylar úıine jiberildi.

Sondaı-aq óńirge Indýstrııa jáne ınfraqurylymdyq damý mı­nıs­trligi satyp alǵan 100 jyl­jymaly dıagnostıkalyq medı­sı­nalyq zerthananyń beseýi jet­ki­zildi. Oblystyq densaýlyq saq­taý basqarmasy basshysynyń min­de­tin ýaqytsha atqarýshy Ashan Baıdýálıevtiń aıtýynsha, mobıldi dıagnostıkalyq medısınalyq keshen Inder, Isataı, Qyzylqoǵa Maqat jáne Mahambet aýdandaryna berildi. Buǵan deıin dál osyndaı jyljymaly zerthana Jylyoı jáne Qurmanǵazy aýdandaryna jetkizilgen. Osylaısha ob­lys­tyń jeti aýdany mobıldi dıagnostıkalyq medısınalyq keshenmen qamtylyp otyr.

– Medısınalyq keshen arqyly aýdandardaǵy turǵyndardyń sozylmaly ınfeksııalyq emes aýrý­­­­laryn erte anyqtaýǵa múmkindik beredi. Endi turǵyndardyń den­saý­lyq jaǵdaıyn keshendi tekserý úshin jyljymaly dıagnostıkalyq zertteýlerdiń keń spektrin júr­gi­zý­ge bolady. Jyljymaly keshen arnaıy lıft-pandýspen jab­dyqtalǵan. Onda múmkindigi shek­teý­li adamdar úshin jeke kirý esigi qarastyrylyp otyr, – dedi A.Baıdýálıev.

Onyń aıtýynsha, budan bylaı medısınalyq keshende bir kúnde 150 adam terapevt, kardıolog, hırýrg, endokrınolog, otorınolarıngolog, okýlıst, ýl­tra­dy­bystyq zertteý jáne rent­gen mamandarynyń qyzmetine júgi­ne alady. Bul keshenniń kóme­gi­men 60-tan astam aýrýǵa dıagnoz qoıýǵa múmkindik bar.

Atyraý oblysy