Muhtar Áýezov
Muhtar Áýezov qoly bos ýaqytta ańshylyqqa shyǵýdy eshqashan umytpapty. Ǵabıt Músirepovtiń «Qarly jańbyr astynda» deıtin áńgime-essesinde Áýezovtiń múltiksiz mergendigin aıǵaqtaıtyn joldar bar. «Osy kepkeniń astynda Áýezov degen ańshy otyr dep bir qus oılamaıdy» dep ázildeıdi eken.
* * *
Jazýshynyń «Dos» degen «bokser» tuqymdy ıti men búrkiti bolypty.
* * *
Áýezov bılıardqa qyzyqqan. Úıinde bılıard ústeli de bolǵan. Biraq keıin belgisiz sebeptermen joǵalyp ketkendikten qazir murajaı-úıinde joq.
* * *
Jazýshynyń uly Eldar dúnıege kelgende Paýstovskıı kúmis qasyq syılaǵan eken. Balaǵa esim qoıylmaǵandyqtan Paýstovskıı qasyqqa «Ekinshi Muhtarǵa» dep jazý jazdyrypty.
* * *
Áýezovtiń júzjyldyǵy qarsańynda batys jaqta qalamgerdiń atyna keme atalǵan. Ol kemeniń qazir júrip turǵanynan eshkimniń habary joq. Soǵan qaraǵanda toqtap qalǵan sııaqty dep boljadyq.
Ivan Týrgenev
Árqashan sándi kıingen desedi. Ásirese kók fraktaǵy altyn túımeler men túrli ashyq tústi galstýktardy boıynan tastamapty.
* * *
Jazýshynyń parıetaldy súıegi juqa bolǵandyqtan, tipti basyn uryp alsa da esinen tanyp qalatyn bolǵan. Osy úshin de mektepte oqyp júrgeninde Ivan Sergeevıchti talaı mazaq qylypty.
* * *
Názik daýyspen sóıleıtin: tipti daýsy keıde áıeldikine qatty uqsaıdy eken.
* * *
Ol tártipti jaqsy kórdi: kúnine birneshe ret kıim aýystyryp, kabınetti jyltyraǵansha tazalaı beretin.
* * *
О́mir boıy Lev Tolstoımen qyrǵı-qabaq qarym-qatynasta boldy.
* * *
Al kitaphanasy úıiniń eń úlken bólmesin alǵan.
Anna Ahmatova
Ahmatovaǵa deıin áıel aqyndardan eshkim «Men áıelderge sóıleýdi úırettim» («Iа naýchıla jenshın govorıt») dep aıtpaǵan.
* * *
Aqyn eki ret Nobel syılyǵyna usynyldy.
* * *
Anna Andreevna Oksford ýnıversıtetiniń doktor dárejesin ıelengen.
* * *
Ahmatova men II Nıkolaıdyń arasynda bir baılanys bar dep topshylaǵan. Biraq ol bul sybysty joqqa shyǵarǵan joq hám rastaǵan da joq.
* * *
Ol ózin nashar ana sanaǵan.
* * *
Ahmatovany kekshil adam bolypty desedi.
Mıhaıl Lermontov
Lermontov tamaqtanǵanda toıǵan-toımaǵanyn bilmeıtin bolypty. Birde onyń osy «kúlkili» ǵadetin dostary synamaq bolyp, úılerine qonaqqa shaqyryp yńǵaısyz jaǵdaıǵa qaldyrady. Sodan keıin aqyn tek óz úıinde tamaqtanatyn bolǵan.
* * *
Áıgili kartınalardyń kóbinde Lermontov kelbetti kórinedi. Alaıda onyń zamandastarynyń estelikterine súıensek, shyn máninde ol boıy qysqa hám búkireıgen, aıaǵyn syltyp basatyn adam eken. Sondaı-aq kóp ýaqyt boıy kıimin aýystyrmaı júre beretin.
* * *
Talantty aqynnyń nemere aǵasy Petr Arkadevıch Stolypın (agrarlyq reformanyń negizin salýshy, belgili memleket qaıratkeri) ekenin de kóp adam bile bermeıdi. Biraq Lermontov 1841 jyly qaıtys bolǵandyqtan, al Stolypın 1862 jyly dúnıege kelgendikten olar bir-birin tanymaǵan.
* * *
Mıhaıl Iýrevıch az ǵumyrynda túrli bal ashýlar men boljamdarǵa qyzyqqan. Kavkazǵa barǵan sońǵy saparynyń aldynda Lermontov peterbýrgtik áıgili balger Aleksandr Kırghofqa barypty. Sonda balshy áıel Pýshkınniń ólimi men Mıhaıl Iýrevıchtiń endi qaıtip soltústik astanaǵa kelmeıtinin aıtqan.
Vladımır Nabokov
Jazýshy shyǵarmalaryn óz atynan bólek Vladımır Sırın jáne Vasılıı Shıshkov laqap attarymen de jarııalaǵan.
* * *
О́miriniń kóp ýaqytynda Nabokov áýesqoı etnomolog bolypty. Ol jándik, shirkeı ataýlyny qyzyǵa zerttep, tipti kitaptarmen birdeı jaqsy kórgen.
* * *
Áıgili «Alısa ǵajaıyptar elinde» kitabyn orys tiline aýdarǵan da Nabokov edi. Ol munymen Ulybrıtanııada oqyp júrgende aınalysty.
* * *
Sondaı-aq Nabokov – talantty shahmatıst. Jáne shahmattyń birneshe kúrdeli tapsyrmalarynyń avtory.
Nıkolaı Gogol
Gogol otbasynda on eki aǵaıyndy bolǵan: ol úshinshisi.
* * *
Jas kezinde Peterbýrgqa kóshken qalamger qalanyń qymbattyǵyna qaıǵyra tańǵalǵan. Aqsha tabý úshin, tipti teatr akteri, ıakı sheneýnik bolýǵa da tyrysypty.
* * *
Pýshkın Gogoldiń shyǵarmalaryna dán rıza bolyp, mops ıtin syılaǵan. Keıin ıt ólip qalǵan soń jazýshy qatty qaıǵyrypty.
* * *
Gogoldiń murny ózine unamaǵan. Sol úshin de sýretshilerden óz portretterinde basqa formadaǵy muryn salýyn ótinipti.
* * *
Jazýshy naızaǵaıdan qatty qoryqqan. Zamandastarynyń aıtýynsha, jaısyz aýa raıy Gogoldiń álsiz júıkesine jaman áser etipti.
Maksım Gorkıı
Alekseı Maksımovıch Peshkov – Gorkııdiń shyn aty-jóni.
* * *
Jasóspirim kezinde Gorkıı kemede ydys jýyp, aıaqkıim dúkeninde aıaqkıim tasyǵan. Buǵan qosa ol naýbaıshy hám baǵban bolyp ta jumys istepti.
* * *
Ol bir mınýtta tórt myń sóz oqyǵan.
* * *
Gorkıı eshqashan aýyrmaǵan degen de pikir bar. Jáne eshqashan mas bolmapty.
* * *
Gorkıı óler aldynda Stalın qasynda otyryp shampan ishken.
* * *
Tolstoı Gorkıımen sóıleskende ádepsiz sózder qoldanypty desedi.