Kúzgi jáne kóktemgi ýaqytta Qazaqstan jolshylary elimizdegi respýblıkalyq mańyzy bar avtojoldarǵa baryp, olardyń tehnıkalyq jaı-kúıin qarap tekseredi, dep habarlaıdy Egemen.kz
Kúzgi tekserý ádette qazan aıynda bastalady. Ol nóldik temperatýra bolǵanǵa deıin jáne qar jamylǵysy túspeı jatyp júzege asýy tıis. Shara "QazAvtoJol" UK" AQ oblastnyh fılıaldary, "Qazaqavtojol" JShS jáne QR IIM Ákimshilik polısııa Komıtetiniń oblystyq departamentteriniń kúshimen júrgiziledi. Mamandar tasjoldardyń jaıǵdaıy men qozǵalys qarqynyn zerttep, qysta qardan qorǵaıtyn qalqandardy ornatatyn oryndardy belgileıdi.
Aıta keteıik, bıyl kóktemgi tekserýdiń qorytyndysy boıynsha bekitilgen keshendi-maqsatty baǵdarlamaǵa sáıkes, jolshylar shuryq-tesik, oıqy-shoıqy joldyń 628 myń sharshy metrin jóndegen. 141 myń sharshy metr jol da tegisteldi. Budan bólek, "Qazaqavtojol" kompanııasynyń mamandarymen 19 myńnan astam jol belgileri, 503 panno, 409 jaryqdıotty jol belgisi jáne kópirlerdegi qorshaýlardyń 2678 metri ornatylyp, almastyrylǵan.
Sondaı-aq 176 kólik pavılony men demalys alańyna jóndeý júrgizildi. Al 4800 sharshy metr jolǵa shý jolaqtary ornatyldy.
Mamandar shaqyrymdyq belginiń 3288 birligi men 34 myń dabyl baǵanasyn qurǵan. Jolshylar, sondaı-aq 53 myń metrden astam qorshaý ornatyp, jóndegen. Al joldyń 34 myń shaqyrymyna júris bóligi syzyǵy belgilendi.