Qazaqstan BUU Jarǵysynyń qaǵıdattaryna adaldyǵyn saqtaıdy. Bul týraly Memleket basshysy Qasym-Jomart Toqaev Twitter paraqshasynda jazdy, dep habarlaıdy Egemen.kz.
"1945 jyly 24 qazanda, ıaǵnı 75 jyl buryn BUU quryldy. Bul jahandyq ınstıtýt Qyrǵı-qabaq soǵys kezinde jáne jalpy qubylmaly kezeńde óz tıimdiligin dáleldedi. Sondyqtan onyń balamasy joq. Qazaqstan BUU Jarǵysynyń qaǵıdattaryna, ámbebap uıymnyń uzaqmerzimdi maqsattaryna adaldyǵyn saqtaıdy", - dep jazdy Qasym-Jomart Toqaev
Eske sala keteıik, búgin Memleket basshysy Birikken Ulttar Uıymynyń 75 jyldyǵyna oraı BUU Bas hatshysy Antonıý Gýterrıshke quttyqtaý jedelhatyn joldady.