Bul aqparatty oblystyq polısııa departamentiniń baspasóz qyzmeti taratty, dep habarlaıdy Egemen.kz.
"15-22 qazanda 9 balany ıt qaýyp, dene jaraqatyn alǵany anyqtaldy. Taldaý kórsetkendeı, balalardyń beseýin buralqy ıtter, úsheýin kórshisiniń, al bireýin óz aýlasyndaǵy ıti qapqan. Toǵyz balanyń bári de alǵashqy medısınalyq kómekke júgindi. Dárigerler ıt qapqan balalardyń jaraqatyn jeńil dárejede dep qorytyndy jasady. Tirkelgen oqıǵalardyń tek bireýine qatysty QR Ákimshilik quqyq buzýshylyq týraly Kodekstiń 408-babymen hattama toltyrylyp, ıt ıesine 13890 teńge kóleminde aıyppul salyndy. Qalǵan 8 derek boıynsha jábirlenýshiler tarapynan aryz-shaǵym túsken joq", dep habarlady departamenttiń baspasóz qyzmeti.
Al Atyraý qalalyq polısııa basqarmasynyń basshylyǵy bul derekti eleýsiz qaldyrǵan joq. Sóıtip, Atyraý qalalyq ákimdigine kóshedegi buralqy ıtterden jasóspirimder men egde jastaǵy qarııalarǵa, sondaı-aq, adam ómirine qaýipti jaǵdaılardy boldyrmaý maqsatynda shara qoldaný týraly usynys joldady.