Búgin túnde bastalǵan aq tútek qarly borannyń saldarynan Qostanaıdy tuman basyp, kósheler kóktaıǵaqqa aınaldy, - dep jazady Egemen.kz
Aýa-raıynyń tosyn qubylysyna baılanysty, oblystyq bilim basqarmasynyń uıǵarymymen qala mektepterindegi birinshi aýysymda ótetin sabaqtar búgin qashyqtan uıymdastyrylady.
"Búgin tańerteń mektepke kelgen bala ata-anasy kelmeıinshe úıge jiberilmeıdi. Ata-analary alyp kete almaǵan balalar sabaǵyn synypta oqıtyn bolady" - dep málimdedi oblystyq bilim basqarmasynyń baspasóz qyzmeti.
Sınoptıkterdiń málimetinshe, oblysta aýa temperatýrasy mınýs 7 gradýsqa deıin tómendep, qar mol túsedi. Alaıda apta sońynda kún raıy qaıta ashylady.
Qostanaı oblysy