"QazAvtoJol" UK" AQ "Nur-Sultan-Shortańdy" avtomobıl jolynda mýzykalyq shý jolaqtaryn ornatty. Mundaı tehnologııa Qazaqstanda alǵash ret qoldanylyp otyrǵanyn aıtyp ótken jón, dep habarlaıdy Egemen.kz.
Pılottyq joba jol júrý qaýipsizdigi salasyna jańa tehnologııalardy engizý aıasynda iske qosylǵan. Ony júzege asyrý barysynda Germanııa, Koreıa, AQSh pen Japonııa elderiniń tájirıbesi eskerildi.
"Mýzykalyq joldar" júrgizýshilerge tótenshe qaýipti ýchastkelerde jyldamdyqty azaıtýǵa kómektesedi. Áýen avtokóliktiń dóńgelekteri men sýyq plastıkten jasalǵan shý belgisi janasqanda shyǵady. Kólik shý jolaǵynan 90 km/saǵ jyldamdyǵymen júrgen jaǵdaıda, áýen dybysty ózgertedi. Osylaısha júrgizýshiniń nazaryn aýdaryp, júrý jyldamdyǵyn azaıtýǵa áser etedi.
Eksperımenttiń nátıjesi boıynsha "QazAvtoJol" UK" AQ keler jyly ózge de respýblıkalyq joldarǵa mýzykalyq jolaqtar ornatpaq.