Shymkent – qurylysy qaınaǵan alyp shahar. Qalada kópqabatty turǵyn úı qurylysy qarqyn alǵan, dep habarlaıdy Egemen.kz.
Shymkent qalasynyń ákimi Murat Áıtenovtiń qurylysty ýaqtyly ári sapaly oryndaý jónindegi tapsyrmasyna sáıkes qurylys jumystary qyzý júrgizilip jatyr.
Ákimshilik-iskerlik ortalyǵyndaǵy 8 arendalyq turǵyn úıdiń qurylysy josparǵa saı júrgizilýde. № 44, 45, 46, 47, 48 úılerdi jeltoqsan aıynda aıaqtaý josparlansa, № 41, 42, 43 úıler 2021 jylǵa ótpeli. Qurylysqa jaýapty merdiger mekemeler – "Atameken Korporasııasy" JShS, "Korporasııa Aq-ordasy" JShS jáne "Iýgstroıservıs-N" JShS.
Sondaı-aq, Arǵynbekov kóshesi boıynda salynyp jatqan 4 turǵyn úıdiń qurylysy da josparǵa saı júrgizilýde. № 2, 3 úılerdiń qurylysyn "Iýgstroıservıs – N" JShS-i júrgizýde. Al, № 1, 4 úıge – "Orıon – LTD" JShS jaýapty. Merdiger kompanııa ókilderiniń aıtýynsha, turǵyn úıler 2021 jyly paıdalanýǵa tapsyrylady.