Elbasy Túrkııa Prezıdenti Rejep Taııp Erdoǵanǵa kóńil aıtý jedelhatyn joldady, dep habarlaıdy Egemen.kz Elbasynyń baspasóz qyzmetine silteme jasap.
Elbasy Túrkııanyń Izmır provınsııasynda jer silkinisi saldarynan turǵyndardyń zardap shegip, qaza bolǵany týraly sýyt habardy kúızelispen qabyldady.
"Qaıǵylaryńyzǵa ortaqtasyp, marqum bolǵandardyń týystary men jaqyndaryna, sondaı-aq búkil Túrkııa halqyna kóńil aıtamyn. Zardap shekkenderdiń tezirek saýyǵyp ketýine tilektestigimdi bildire otyryp, baýyrlas túrik halqynyń osy aýyrtpalyqty sabyrmen eńseretinine senimdimin", delingen jedelhatta.