Túrkııadaǵy «Ferfır» baspalar toby tarapynan aı saıyn shyǵatyn «Temrın» ádebı jýrnalynyń kezekti sany memleket jáne qoǵam qaıratkeri Turar Rysqulovqa arnaldy.
«Túrki áleminiń temirqazyǵy: T.Rysqulov» atty taqyryppen jaryq kórgen jýrnalǵa qazaqtyń «Qyzyl jebesi» atanǵan Turar Rysqulovtyń ómirbaıanymen qosa, táýelsizdik jolyndaǵy kúreskerligi men qaıratkerligi, adamdyq qasıeti men tulǵalyq portreti, tarıhı shyndyq pen zamana aqıqaty týraly sóz qozǵaıtyn zertteýler men maqalalar toptamasy endi.
Atap aıtqanda, belgili qazaq ádebıettanýshysy, ǵalym, aýdarmashy Ashýr О́zdemırdiń «Alty Alashtyń alyby Turar Rysqulov» atty zertteý eńbegi jáne ataqty «Qyzyl jebe» roman-epopeıasy men onyń avtory – jazýshy Sherhan Murtaza týraly «Eki uly tulǵa – bir uly týyndy» atty kólemdi maqalasy jaryq kórdi. Sondaı-aq atalǵan toptamaǵa T.Rysqulov týrasynda qalam terbetken belgili tarıhshy Darhan Qydyráliniń «Ultshyl kúresker» atty maqalasy, kórnekti qalamgerler Kólbaı Adyrbekuly men Moldııar Serikbaevtyń «Taǵy da Rysqulov haqynda» jáne «Ǵ.Músirepovtiń tapsyrmasy», Ǵalymjan Elshibaıdyń «Áýezovti abaqtydan arashalap qalǵan Turar Rysqulov» atty maqalalary jáne ádebıettanýshy Serdar Ajardyń aýdarmasymen T.Rysqulovtyń Stalınge jazǵan haty enip, túrik oqyrmanyna jetti. Maqalalardy túrik tiline aýdarǵan Selma Balykchy men Móldir Ilgısheva.