Keıingi kúnderi áleýmettik jelilerde sońy ólimge aparatyn jańa sındrom týraly qaýeset taraǵan-dy. Ásirese, reseılik BAQ bul týraly jarysa jazdy. Reseılik ǵalymdar 40 paıyz jaǵdaıda naýqastyń ólimine ákelýi múmkin jańa VEXAS sındromy týraly osy habarlamalarǵa baılanysty túsinik berdi, dep habarlaıdy Egemen.kz
Rnımý Pırogov atyndaǵy medısına ǵylymdarynyń doktory, Juqpaly aýrýlar jáne epıdemıologııa kafedrasynyń meńgerýshisi, Reseı FMBA-nyń Bas ınfeksıonısti Vladımır Nıkıforov bul aýrý týraly buryn-sońdy estimegenin atap ótti.
"Bul taza genetıkalyq aýrý. Bar bolǵany osy. Onyń ınfeksııalar men koronavırýsqa eshqandaı qatysy joq. Adam kez kelgen jaǵdaıda odan ólmeıdi. Ony eshteńemen salystyrýǵa kelmeıdi", dedi Nıkıforov.
О́z kezeginde, professor, medısına ǵylymdarynyń doktory Aleksandr Karabınenko VEXAS sındromy is júzinde onsha keń taralmaıdy degen pikir bildirdi, óıtkeni bul Eýrazııa qurlyǵynda asa tanymal aýrý emes.