Elimizde alǵash ret talantty balalardyń sýretterimen bezendirgen Abaı Qunanbaevtyń "Qara sózder" kitabynyń biregeı nusqasy qaıta basylyp shyqty. Qazaq jáne orys tilderindegi shyǵarmalar mektepter men kitaphanalarǵa tegin taratylyp qana qoımaı, kitaptyń lımıttelgen basylymy kórshi Reseıdiń 20 qazaq mektebinde de qoljetimdi bolmaq.
Osylaısha aqynnyń mereıtoıyna "BAURZHAN Foundation" jeke qaıyrymdylyq qory "Balalar álemdi beıneleıdi" qoǵamdyq qorymen birge ózindik úlesterin qosyp, alǵash ret Qazaqstanda "Qara sózder" kitabynyń jańa nusqasyn qazaq jáne orys tilderinde qaıta basyp shyǵarǵan edi. Uly aqynnyń ólmeıtin shyǵarmasy 2020 jyldyń aqpan -mamyr aılarynda Qazaqstanda ótken respýblıkalyq baıqaýdyń jeńimpaz balalarynyń sýretterimen bezendirilgen.
Kitapty qaıta basyp shyǵarý «Samruk-KazynaTrust» áleýmettik jobalardy damytý qorynyń qoldaýymen júzege asty.
"Osy jobamen biz balalar men jastardy shyǵarmashylyqqa tartyp uly oıshyl sózderiniń qundylyǵyn ár adamǵa jetkizgimiz keldi. "Qara sózder» sımbıozy jáne balalardyń bul týyndyǵa degen erkin kózqarasy bizge biregeı shyǵarmashylyq ónim berdi. «Qara sózder» bizdiń zamanymyzda ózekti bolyp qala beredi. Biz bul shyǵarmany oqyp, qaıta oqı otyryp, adamdardyń óz ómirindegi oılary men tujyrymdaryn túsinip, qabyldaı alýyn qalaımyz", - deıdi "Samruk-KazynaTrust" qorynyń resmı ókili Mıras Irgebaev.
Tamasha bezendirilgen kitapqa barlyǵy 90 sýreti engen, olardyń 45-i "qara sózderiniń" 45 taraýynyń árqaısysyna arnalǵan ıllıýstrasııasy bolyp tabylady jáne onyń fılosofııalyq maǵynasyn ashady. Jeńimpazdardyń sýretterinen basqa, "Qara sózder" kitabyna balalar salǵan aqynnyń portretteri de engen.
"Uly Abaı óziniń basty shyǵarmasynyń ár joly sózdi sheber qoldanǵan, ol halyq shyǵarmashylyǵy men turmysyn osy kúnge deıin ózekti bolyp kelgen maǵynalaryn birneshe deńgeıimen tamasha ushtastyra bildi. Múmkin, bul Abaı shyǵarmalarynyń basqa tilderge aýdarylýynda qıyndyqtar týǵyzýy múmkin, sondyqtan bizde oıshyldyń qara sózderin 45 astarly áńgimeniń árqaısysyna súıengen balalardyń sýretimen biriktirý ıdeıasy paıda boldy", - deıdi "BAURZHANFoundation" qorynyń joba úılestirýshisi Saıda Ibragımova.
Kitaptyń barlyq 5000 danasy Qazaqstannyń kitaphanalary, balalar úıleri men jalpy bilim beretin mektepterinde tegin taratylatyn bolady.
ALMATY