Oqıǵa ornynda túsirilgen beınejazba Instagram-da paıda boldy. Qalalyq ortalyq meshit mańynda Ulttyq ulannyń patrýli men qala turǵyndarynyń arasynda túsinbestik oryn alǵan. Oǵan sebep azamattardyń medısınalyq maska taqpaýy seebep bolypty, dep habarlaıdy Egemen.kz
Polısııa bólimshesine barǵan soń taraptar oqıǵanyń mán-jaıyn túgel baıandap berdi. Polısııa departamenti ókilderiniń aıtýynsha, 26 jáne 37 jastaǵy eki er adam qyzmette bolǵan 5512 áskerı bóliminiń qyzmetshilerinedene jaraqatyn salǵan. Oqıǵa 1 qarasha kúni, saǵat 19.25 ýaqytynda oryn alypty. Qala turǵyndarynyń áreketi quzyrly organdar tarapynan buzaqylyq dep tanylyp otyr. Sondaı-aq, er adamdar ózderin agressıvti ustap, patrýlge dóreki sózder aıtypty.
"Áskerı qyzmetshiler bul adamdardan qoǵamdyq tártipti buzýdy toqtatýdy jáne ýchaskelik polısııa pýnktine barýdy surapty. Biraq olar qarsylyq kórsetip, áskerı qyzmetshilerdiń biriniń kózin jaraqattady", dep tolyqtyrdy departamentten. Sondaı-aq, polısııa erlerge qatysty arnaıy quraldar qoldanylǵanyn da atap ótti.