Nıgerııanyń ońtústigindegi Delta shtatynda belgisiz aýrýdan 15 adam qaıtys boldy, - dep habarlaıdy Egemen.kz
Jergilikti Vanguard basylymynyń málimetinshe, 18-den 25-ke deıingi jas aralyǵyndaǵy azamattar qaıtys bolǵan. Shtat bıligi aýrýdyń taralýyn toqtatý úshin qoldan kelgenniń bárin jasaıtynyn aıtty.
"Delta shtatynyń úkimeti Ýte Okpý jáne Idýmesa qoǵamdastyǵynda belgisiz jaǵdaıda qaıtys bolǵandar týraly aqparat aldy. Bul gýbernatordy, senator Ifeanı Okovty alańdatty jáne shtattyń Densaýlyq saqtaý mınıstrligine ólim jaǵdaıyn tekserý jáne sebebin anyqtaý, aýrýdyń taralýyn toqtatý sharalaryn qabyldaý boıynsha tapsyrmalar berdi", dep keltirdi basylym shtattyń densaýlyq saqtaý jónindegi ýákili Mordı Onone.
Basylymnyń habarlaýynsha, epıdemıologtar qaıtys bolǵandardyń otbasyna, aýrýhanaǵa bardy jáne zertteýge qajetti analızderdi jınady. Mamandar adamdardyń jappaı ólimine gemorragııalyq bezgek sebep bolýy múmkin dep kúdiktenedi.