2020 jyldyń alǵashqy toǵyz aıynda halyqaralyq júıeler arqyly aqsha aýdarymdarynyń jıyntyq mólsheri 793 mlrd teńgege jetti. Bul ótken jyldyń osy kezeńindegi kórsetkishten 3,4%-ǵa joǵary. Bul týraly Ulttyq banktiń baspasóz qyzmeti habarlady.
Qazaqstannan basqa elderge aqsha aýdarý kólemi 16,6%-ǵa kóbeıdi, al shetelden Qazaqstanǵa aýdarylǵan aqsha 21,4%-ǵa qysqardy. Degenmen el ishindegi aqsha aýdarymdary 10,6%-ǵa artty.
Shetelge aýdarylǵan qarajattardyń negizgi úlesi Reseı Federasııasyna, Qyrǵyzstanǵa, О́zbekstan jáne Túrkııaǵa tıesili. Kerisinshe, Qazaqstanǵa qaraı jasalǵan aqsha aýdarymdary, negizinen, Reseı Federasııasynan, Ońtústik Koreıadan jáne Qyrǵyzstan men О́zbekstannan júzege asyryldy. Shetel aýdarymdarynyń ortasha somasy – 317 myń teńge bolsa, Qazaqstanǵa – 219 myń teńge.