Qala ákiminiń málimdeýinshe, oryn alǵan órttiń basym bóligi jeke turǵyn úıde oryn alǵan. О́rttiń shyǵý sebepteriniń 60 paıyzy elektr symdary men quraldaryn durys paıdalanbaýynan týyndaǵan.
Jylytý maýsymynan bastap, kúndelikti tótenshe jaǵdaılar departamenti, jergilikti atqarýshy organdary jáne jergilikti polısııa qyzmetkerleri birlesip, 10 myńǵa jýyq úıdi aralap, ondaǵy 43 myńǵa jýyq turǵyndarǵa úgit - nasıhat jumystary júrgizildi. Turǵyndardyń qatysýymen 47 jıyn ótkizildi.
Sondaı-aq arnaıy tehnıka jumyldyrylyp, daýys zoraıtqyshy arqyly qala turǵyndaryna túsindirme jumystary júrgizilip, qalanyń ortalyq kóshelerindegi LED-ekrandarynda, iri saýda oryndarynda, órttiń aldyn alý týraly áleýmettik beınerolıkteri kórsetilýde. Bul jumystarǵa 100-den astam volonter qatysyp, 5 myńnan astam turǵyndarǵa nusqaýlyq pen eskertpeler taratyldy.
Sonymen qatar memlekettik-jekemenshik áriptestik sheńberinde 31 birlik tehnıka satyp alynyp, tótenshe jaǵdaılar departamentine berildi. Departament qyzmetkerleri arasynda órtke qarsy jaýyngerlik daıarlyq jumystary da kúsheıtilip jatyr. Osy oraıda mamandar qala turǵyndaryn úıdegi qaýipsizdik erejelerin saqtaýǵa shaqyrady.