Tabıǵatty aıalaýǵa shaqyrdy

Qorshaǵan ortaǵa tóngen qaterdi aıqyn kórsetý arqyly adamdardyń áleýmettik jaýapkershiligin arttyrýdy kózdegen joba «Taza bolsa tabıǵat, taza bolar adamzat» uranyn alǵa us­taǵan. Belgili otandyq sýretshiler Nel­lı Býbe, Muhıt jáne Rýslan Aqa­naevtar, Sáýle Súleımenova, Já­mılá Taken, Shattyq Batan, Almas Nur­ǵojaev, Nurbolat Asqar, Kamıla Baıa­nova, Ravıl Naregeev, Temiráli Ná­ji­medenovterdiń qalamynan týǵan shy­ǵarmalar taqyrypty asha túsken. Sýretter serııasy 30-dan astam týyndydan turady, oǵan ártúrli tásilderdi ushtastyryp, qoldanysta bolǵan qaı­talama materıaldardan jasalǵan ju­mystar kirgen.

– Kórme aıasynda qala turǵyndary men qonaqtary bizdiń sheberlerdiń kartınalary arqyly Qazaqstannyń kórikti tabıǵatyn tamashalaı alady. Sondaı-aq qorshaǵan ortany qorǵaý ótkir másele ekenine nazar aýdara­dy. Ártúrli kórkemdik tehnıkany qol­dana otyryp, qaıtalama materıaldardan jasalǵan jumystardyń bol­ǵany qýantady. Bul shyǵarmashyl jastar úshin úlken ónege. Kórmege sát­tilik tileımin jáne jumysty úı­den shyqpaı-aq ekspozısııany onlaın ta­mashalaı alatynyn aıtqym kele­di, – deıdi «Qazaqstannyń ekologııa­lyq uıymdarynyń qaýym­dastyǵy» ZTB Prezıdıýmynyń Tór­aıymy Álııa Nazarbaeva.

Tujyrymdamaǵa sáıkes kórme eki bólimnen turady. Birinshi bólim av­torlardyń shyǵarmashylyq min­det­terin aıqyndap turǵandaı. Munda eli­mizdiń tumsa tabıǵatyn kórsetetin kórkem týyndylar qamtyl­ǵan. Eks­po­­zısııanyń ekinshi bóli­mi qor­sha­ǵan ortany lastanýdan qor­ǵaý qa­jetti­ligi týraly suraq­tar tý­­ǵy­zady. Kór­me aınalaǵa uqyp­ty­­­­lyq­pen qaraýǵa, sondaı-aq qaıta­la­ma shıkizatty qaıta óńdeýge beıstan­dart­tyq, shy­ǵarmashylyq turǵydan kelýge sha­qyrady.

«Jalpy, kóptegen tutynýshy qo­qys­ty durys tastasa da, qorsha­ǵan orta tym kóp mólsherdegi qaldyq­tar­men lastanýda. О́kinishke qaraı, adam­dar qaldyqtardyń mólsheri men quramy, ydyraý qabileti týraly qa­te túsinikterge baılanysty qo­qys máselesin jaýapkershilikpen qabyl­damaıdy. Qazaqstannyń ekologııalyq uıymdary qaýymdastyǵymen birge biz bul máseleni keshendi tásilde, so­nyń ishinde habardarlyqty artty­rý sharalaryn qoldana otyryp she­she­miz. «StopMusor» jobasy aıasynda atqa­rylyp jatqan barlyq belsendilik qo­ǵam nazaryn qoqysty durys kádege ja­ratýǵa aýdarady dep úmittenemin. So­nyń ishinde qoqysty paıdalanýmen oryndalǵan óner týyndylaryna ar­nalǵan búgingi kórme de bar», – dep atap ótti Qazaqstan men Ortalyq Azııa elderindegi Fılıp Mor­rıs Inter­neshnl kompanııasynyń dırektory Hýan Karlos Eskobar.

Mádenıet jáne sport mınıstriniń keńesshisi Erlan Jurynbaevtyń piki­rinshe, «StopMusor» sııaqty áleýmettik jobalarǵa óner ókilderin tartý óte mańyzdy. Kórme kópshilikke elde jáne álemde bar ekologııalyq máseleler týraly aqparattyq túsinik beredi. Mundaǵy óner – zııatkerlik jáne bilim berý kópiri. Sebebi kelýshilerdiń túı­sigi kórmeden keıin ózgerýi múmkin.

ALMATY