Ulttar lıgasy: quramanyń keńeıtilgen tizimi jarııalandy

Mıhal Bılek shákirtteri Albanııa fýtbolshylarymen ótetin oıynnyń aldynda 11 qarasha Podgorısada Chernogorııamen joldastyq match ótkizedi. Kúni keshe ulttyq quramanyń bas bapkeri aldaǵy úsh oıynǵa shaqyrtylǵan fýtbolshylardyń tizimin jarııalady.

Ulttyq quramaǵa óz komandalarynyń keıingi oıyndarynda jaqsy nátıjemen kózge túsip, bas bapkerdiń kóńilinen shyqqan fýtbolshylardyń shaqyrtý alatyny belgili. Máselen, bul aıda M.Bılek úsh jańa fýtbolshyny jasyl alańda synap kórýdi jón dep sheshken eken. Atap aıtar bolsaq, olar – qaqpashy Muhammedjan Seısen, qorǵaýshy Iýrıı Logvınenko já­ne jartylaı qorǵaýshy Serikjan Mujyqov. Keıingi eki fýtbolshy buǵan deıin de ulttyq qurama sapynda talaı ha­lyq­aralyq básekelerde oınaǵan tájirı­beli jigitter. Al «Taraz klýbynyń qaqpa­shysy Muhammedjan Seısen bıyl bi­rinshi ret eresekter arasyndaǵy ulttyq quramanyń jeıdesin kımek. Ol buǵan deıin Qazaqstan jastar quramasynyń (21 jas) kapıtany ári negizgi qaqpashysy bolyp kelgen. Jas ereksheligine baılanysty kelesi jyldan bastap jastar quramasynda oınaı almaıtyndyqtan, Bılek ony erte bastan eresekter dýyna qosqandy qup kóripti.

Al jaraqatynan aıyǵyp, «Asta­na­nyń» negizgi quramyna qaıta oral­ǵan qorǵaýshy Iý.Logvınenko men «To­byldyń» jartylaı qorǵaýshysy S.Mujyqov Ulttar lıgasynyń qyr­kúıek jáne qazan aılaryndaǵy oıyndaryna shaqyrylmaı, rezervte qalyp qoıǵan bolatyn. Endi mine, ekeýi de qaıtadan ulttyq quramaǵa oralyp otyr.

Qaqpashylar: Stas Pokatılov («Qaı­rat»), Dmıtrıı Nepogodov («Astana»), Muhammedjan Seısen («Taraz»).

Qorǵaýshylar: Ǵafýrjan Súıimbaev, Nuraly Álip (ekeýi de – «Qaırat»), Abzal Beısebekov, Iýrıı Logvınenko (ekeýi de – «Astana»), Marat Bystrov («Ahmat», Reseı), Iаn Vorogovskıı («Beershot», Bel­gııa), Sergeı Malyı, Temirlan Erla­nov (ekeýi de – «Tobyl»), Aleksandr Maroch­kın («Qaısar»), Oljas Kerimjanov («Je­tisý»), Tımýr Dosmaǵambetov («Orda­basy»).

Jartylaı qorǵaýshylar: Baýyrjan Islamhan («Ál-Aın», BAÁ), Bahtıer Zaı­nýtdınov (SSKA, Reseı), Islambek Qýat («Hımkı», Reseı), Vladıslav Vası­lev («Rýh», Belarýs), Aıbol Ábi­ken («Qaırat»), Ashat Taǵybergen, Dý­man Nárzildaev (ekeýi de – «Qaısar»), Serik­jan Mujyqov («Tobyl»).

Shabýylshylar: Abat Aıymbetov («Qaı­rat»), Alekseı Shıotkın («Astana»), Mak­sım Fedın («Qaısar»), Sergeı Hıj­nıchenko («Ordabasy»).

О́tken aıda negizgi quramǵa shaqyr­tylǵan qaqpashy Vladımır Plotnıkov («Ordabasy») bul joly rezervke túsip qalǵan. Sondaı-aq aldyńǵy jyldary ulttyq quramanyń negizgi fýtbolshylary sanalǵan Dmıtrıı Shomko («Astana»), Iýrıı Persýh («Astana»), Azat Nurǵalıev («Tobyl»), Erkebulan Tuńǵyshbaev («Qaı­rat»), Aıbar Jaqsylyqov («Jetisý»), Toqtar Jańǵylyshbaı («Ordabasy»), Roman Murtazaev, Oralhan О́mirtaev (ekeýi de – «Tobyl») sekildi fýtbolshy­lar da rezervte qalyp qoıdy. Dese de bul oıynshylar kez kelgen ýaqytta ne­giz­gi quramnyń jigitteri jaraqat alyp qa­tardan shyǵyp qalsa, olardyń ornyna quramaǵa shaqyrtý alady.

Aıta keteıik, Ulttar lıgasynyń S dıvızıonynda baq synaıtyn Qazaqstan ulttyq quramasy tórt týrdan keıin topta tórtinshi orynda kele jatyr.