Fox News telearnasynyń sońǵy málimetterine sáıkes, Baıden 264, Tramp 214 daýys jınaǵan. Saılaý nátıjesi áli tolyq jarııalanbady, dep habarlaıdy Egemen.kz TASS agenttigine silteme jasap.
Seısenbi kúni AQSh-ta jalpy saılaý ótti. Memleket basshysy laýazymyna AQSh ákimshiliginiń qazirgi basshysy, respýblıkashyl Donald Tramp pen demokrat Djozef Baıden, jáne AQSh vıse-prezıdenti laýazymyna Maıkl Pens pen Kamala Harrıs úmitker boldy.
Jalpy saılaýda 35 senator, О́kilder palatasynyń barlyq 435 múshesi, 13 shtat pen aýmaqtyń gýbernatory, jergilikti bılik saılandy.
Fox News telearnasynyń sońǵy málimetterine sáıkes, Baıden 264 saılaý daýysyna, al Tramp 214 daýysqa sene alady. Jeńiske jetý úshin Prezıdenttikke úmitker 270 saılaý daýysyn alýy kerek.