AQSh-ta jaryq kóretin júz jyldyq tarıha bar áıgili The Ring jýrnaly álemniń eń úzdik kásipqoı boksshylarynyń reıtıngin (P4P) qaıta jańaratty, dep habarlaıdy Egemen.kz.
Aıtýly basylym búgingi tańdaǵy eń úzdik boksshy retinde Saýl Alvaresti tanyǵan eken.
Árıne, oǵan tańdanýǵa bolmaıdy. Sebebi, 30 jastaǵy meksıkalyq sańlaq túrli salmaq dárejesinde kúsh synasqanymen, únemi jeńiske jetýde. Barlyǵy ol 56 márte jekpe-jekke shyǵyp, 53 ret jeńiske jetti. 36 qarsylasyn esinen tandyrdy.
Bir ret qana utylyp, eki kezdesýde teń esep tirkeldi. Sonǵy ret "Kanelo" byltyrǵy jyldyń 2 qarashasynda Las-Vegasta reseılik Sergeı Kovalevty 11 raýndta uryp jyqqan bolatyn.
Sondaı-aq, "TOP-10" bokshylardyń tiziminde Naoıa Inoýe (Japonııa) Terens Kroýford (AQSh), Aleksandr Ýsık (Ýkraına), Errol Spens (AQSh), Teofımo Lopes (AQSh), Vasılıı Lomachenko (Ýkraına), Hýan Fransısko Estrada (Meksıka), Djosh Teılor (Ulybrıtanııa) jáne Gennadıı Golovkın (Qazaqstan) syndy sańlaqtar bar.