Mańǵystaý oblysy Aqtaý qalasyndaǵy №1 HQKO kelýshilerine "Azamattarǵa arnalǵan úkimet" memlekettik korporasııasy" KeAQ Mańǵystaý oblysy boıynsha fılıal dırektory Erbol Baıjigit qyzmet kórsetti, dep habarlaıdy Egemen.kz
Dástúrli qyzmetten bólek, ol dúnıege endi kelgen egizderiniń qujatyn alǵan ata-anany, 16-ǵa tolyp, alǵashqy jeke kýálikterin alǵan jasóspirmderdi saltanatty túrde quttyqtady. Qujattardan bólek, fılıal dırektory estelik syılyqtar da tabystady.
Búginde "Azamattarǵa arnalǵan úkimet" memlekettik korporasııasy qyzmetkerlerdiń korporatıvti qundylyqtaryn qalyptastyrý baǵytynda belsendi jumys júrgizilýde. Máselen, HQO qyzmetkerleri balasynyń týý týraly kýáligin, jeke basyn kýálandyratyn qujatty nemese júrgizýshi kýáligin alǵash alǵan, zeınetke shyǵyp jatqan kelýshilerdi ómirindegi umytylmas sátterimen quttyqtap, jyly lebizderin bildiredi.
"Qandaı da bir ózgeristi qalasań eń aldymen ózińnen basta». Bul úrdisti jaqyn arada korporasııa tóraıymy Ásemgúl Baltasheva ózi úlgi etti.
– Jaqsylyq jasap, kóńilge jylý syılaý úshin baı-qýatty bolý shart emes, kóńil bólý mańyzdy, deıdi E.Baıjigit.
– Fılıal dırektorynyń bizge alǵashqy qujattaryn tabystaǵanyna óte qýanyshtymyn. Onyń ústine kishkentaı bolsa da syılyq alyp jatqanym kóńilge rııasyz jylý syılady, deıdi egiz qyzdardyń anasy Qarlyǵash Jetpısbaeva.
Atalǵan shara óńirdegi barlyq HQKO-da bir ýaqytta oryn aldy.