Nur Otan partııasynyń búkil elimiz boıynsha aýdandyq jáne qalalyq fılıaldary Saıası keńes bıýrosynyń otyrystaryn ótkizip, olardyń barysynda konferensııalardaǵy pikirsaıystarǵa túsetin qatysýshylardyń tizimi bekitildi, dep habarlaıdy Egemen.kz
Jalpy, partııaishilik irikteýdiń ekinshi kezeńi aıasynda aýdandar men qalalardyń konferensııalarynda pikirsaıystarǵa 1397 kandıdat qatysady. Sonyń ishinde Nur-sultan, Almaty jáne Shymkent qalalary da bar.
Pikirsaıystar men daýys berý qorytyndylary boıynsha eń joǵary nátıjelerge ıe bolǵan qatysýshylar oblystyq partııalyq tizimge engizý úshin usynylady.
Pikirsaıys qorytyndylary boıynsha eń kóp daýys jınaǵandar, óńirdiń Májilistegi ókildik kvotasyna sáıkes, Májilistiń partııalyq tizimine pikirsaıysqa qatysýshylar retinde oblystyq konferensııaǵa usynylady.
Pikirsaıysqa qatysýshylardyń tizimimen primaries.kz. saıtynan tanysýǵa bolady.
Esterińizge sala keteıik, buǵan deıin Nur Otan partııasy óńirlik konferensııalar kestesin jarııalaǵan bolatyn. Onyń barysynda barlyq deńgeıdegi máslıhattar men ár óńirden Májiliske partııalyq tizimge kandıdattar anyqtalatyn bolady.
Oblystyq máslıhattarǵa partııalyq tizimder tıisti konferensııalarda, al Májiliske qorytyndy tizim Nur Otan sezinde bekitiledi.
Partııaishilik irikteý – praımerızdiń birinshi kezeńine 10 myńǵa jýyq kandıdat qatysty. Olardyń 37%-ti – áıelder, 29%-ti – 35 jasqa deıingi jastar. Bastaýysh partııa uıymdarynan kandıdattardyń 30%-ti usynylsa, al 70%-ti – ózin-ózi usynýshylar. Daýys berýge 662 myńnan asa partııalyq qatysty.