III Qytaı halyqaralyq ımport kórmesinde qazaqstandyq bıznes-pavılonnyń ashylý rásimi ótti. Oǵan Qytaıda akkredıttelgen dıplomatııalyq mıssııalardyń ókilderi jáne elimizben saýda-ekonomıkalyq yntymaqtastyqty keńeıtýge múddeli birqatar qytaılyq kompanııalardyń basshylary qatysty.
Is-shara barysynda Kazaqstan Elshisi Ǵabıt Qoıshybaev jáne «PwC China» kompanııasynyń Basqarma múshesi-óńirlik basshy Emı Saı alǵy sóz sóıledi. Sonymen qatar, jınalǵandardyń nazaryna QR Saýda jáne ıntegrasııa mınıstri Baqyt Sultanovtyń beıne úndeýi usynyldy.
Bıyl elimizdiń bıznes-pavılonynda tamaq ónerkásibi salasynda qyzmet isteıtin 35 qazaqstandyq kompanııalardyń ónimderi (kondıterlik ónimder, muzdatylǵan sıyr eti, as tuzy, bıdaı uny, makaron ónimderi, ósimdik maılary, et ónimderi, bal, sýsyndar, sharaptar jáne t.b.), onyń ishinde QR Saýda jáne ıntegrasııa mınıstrligi iske qosqan «Eksporttyq akselerasııa baǵdarlamasynyń» 27 qatysýshysy, tanystyryldy.