Amerıka Qurama Shtattarynda ótip jatqan prezıdent saılaýyna demokratııalyq partııa atynan túsken Djo Baıden jeńiske qajet daýysty jınady. Bul týraly CNN habarlady.
Saılaý barysynda 77 jastaǵy Baıden tańdaýshylardyń 273 daýsyn jınap, Amerıkanyń qazirgi prezıdenti, respýblıkalyq partııa úmitkeri Donald Trampty basyp ozǵan. Sózsiz prezıdent ataný úshin kandıdattar kem degende 270 daýys jınaýy tıis.
Baıden Pensılvanııa shtatynda ózine jetpeı turǵan daýys kólemin jınap, qarsylasynan ozyp ketti.
Aıta keteıik, saılaýdyń sońǵy qorytyndy nátıjesi 14 jeltoqsannan keıin belgili bolady.