Ýkraına Eýropa Odaǵymen qaýymdastyq qurý jónindegi kelisimshartty bekitý jumystaryn toqtatty. Bul týraly Utro.ru habarlady.
Kıev mundaı áreketin Reseı jáne TMD elderimen ekonomıkalyq qarym-qatynasty damytý kerektigimen túsindirdi. Jaqyn arada Ýkraına Reseı men Eýropa Odaǵyna saýda men ekonomıkalyq qarym-qatynas máselelerin qarastyratyn úshjaqty komıssııa qurýǵa usynys bildirmek. Sondaı-aq Ýkraınanyń mınıstrler kabıneti Kedendik odaq pen TMD elderimen ekonomıkalyq baılanys júrgizý jónindegi dıalogty jańartýdy kózdep otyr.
Budan buryn Reseı birneshe ret Ýkraınaǵa Eýropa Odaǵymen qaýymdastyq jáne erkin saýda aımaǵyn qurý jóninde kelisimge qol qoıǵan jaǵdaıda, eki el arasyndaǵy áriptestik tártip toqtaıtynyn eskertken bolatyn. «Biz dostyq qarym-qatynasta qala beremiz, saýda-sattyǵymyz da jalǵasa beredi, alaıda, bul saýda-sattyqtyń shekteýleri bolady», – dep málimdegen edi qyrkúıek aıynyń sońynda RF premer-mınıstri Dmıtrıı Medvedev.
Korrespondent.net saıtynyń aqpary boıynsha, Kıev Eýropa Odaǵymen qaýymdastyq jónindegi kelisimshartqa qol qoıatyn sońǵy múmkindikterdiń birin jiberip aldy.
Aıdar О́risbaev.
Derekkóz: Utro.ru