Tegin oqýǵa ótinim qabyldaý merzimi uzartyldy

Álemdegi eń tanymal Coursera onlaın-oqytý platformasy Eńbek jáne halyqty áleýmettik qorǵaý mınıstrligimen jáne Eńbek resýrstaryn damytý orta­lyǵymen birlesip, qazaq­standyqtar úshin tegin onlaın bilim berýdiń aýqymdy jobasyn iske asyrýda. Joba 31 qazanǵa deıingi merzimge eseptelgen edi. Alaıda jobany uıym­dastyrýshylar arasynda kýrs­tarǵa tirkelý merzimin 2020 jyl­ǵy 14 jeltoqsanǵa deıin jáne oqý merzimin 2021 jylǵy 15 aqpanǵa deıin óteýsiz negizde uzartý týraly ýaǵdalastyqqa qol jetkizildi.

Daǵdylardy arttyrý maq­satynda tegin kýrstar ashylǵan sátten bastap 57 myń ótinim berilgen, sonyń ishinde 24 myńnan asa qatysýshy kýrstarǵa qatysyp jatyr. Oqytýdyń eń tanymal baǵyttarynyń ishinde IT-teh­nologııalar, bıznes kýrstary, til­derdi oqytý, jeke jáne má­denı damý, óner, áleýmettik ǵy­lymdar bar. Qazaqstandyq bilim alýshylar arasyndaǵy úzdik 5 kýrs bul – «Teach English Now! Technology Enriched Teaching», «Programming for Everybody», «Business English: Basics», «Python-ǵa ený», «Jobalar men ónim­dermen jumys jasaýdaǵy Agile jáne Scrum».

IT-kýrstardyń ishinde Python, baǵdarlamalaý negizderi, Adobe Photoshop, HTML jáne CCS, Android, Big Data negizderi úlken qyzyǵýshylyq týdyrdy.

Aǵylshyn tilin úırený ba­­­ry­­synda azamattar oqytý ádis­­­temelerine, sóıleý jáne iskerlik tildi meńgerý daǵdy­laryn arttyrýǵa, sondaı-aq grammatıkaǵa basa mán beredi.

Sonymen qatar qazaq­stan­dyqtar koreı tilin, joba­lyq menedjmentti, SMM-di, ınter­net-kásipkerlikti, sýretke túsirý negizderin, sóıleý etıketin jáne basqa da tanymdyq kýrstardy oqýǵa yntaly boldy.

Coursera bilim berý plat­for­masy GOOGLE, IBM, Facebook, Stanford University, Yale University, Johns Hopkins University, Princeton University sııaqty álemniń jetekshi kompanııalary men ýnıversıtetterinen 4 myńnan asa tegin kýrstan ótýge biregeı múmkindik beredi. Kýrs­tardy sátti aıaqtaǵannan keıin bi­lim alýshylar sertıfıkat alady.

Bıyl 14 jeltoqsanǵa deıin www.enbek.kz/ru/free-coursera Elek­trondyq eńbek bırjasy ar­qyly ótinim bergender jáne www.coursera.org platformasynda tirkelgenin rastaǵandar úshin Coursera alańynda tegin oqytý kýrstary 2021 jylǵy 15 aqpanǵa deıin qoljetimdi.