Túrkistan oblysynyń polıseıleri karantın kezinde kókpar uıymdastyrǵan turǵyndy jaýapqa tartty, – dep habarlaıdy Polisia.kz.
Túrkistan oblysynyń bas memlekettik sanıtarlyq dárigeriniń qaýlysyna sáıkes oblys boıynsha karantın rejımin saqtaý, ıaǵnı betperde taǵyp júrý, araqashyqty saqtaý kózdelgeni belgili. Osyǵan oraı Tólebı aýdanynyń polıseıleri kúndelikti karantın talaptarynyń saqtalýy boıynsha reıdtik tekserý is-sharalaryn júrgizýde.
Osyndaı kezekti reıdtik tekserý kezinde ýchaskelik polıseıler men mobıldik top Tólebı aýdany Alǵabas aýylynyń mańaıynda kókpar oıyny ótip jatqanyn anyqtady.Atalǵan kókparǵa 200-den asa adam jınalǵany belgili boldy. Tártip saqshylary belgilengen talapty saqtamaı, kókparǵa qatysýshy turǵyndarǵa túsindirme jumystaryn júrgizip, jınalǵan qaýymdy tarqatty.
Sondaı-aq adamdardyń kóptep shoǵyrlanýyna jol berip, kókpardy uıymdastyrýshy azamatqa QR ÁQBtK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik hattama toltyrdy. Jınaqtalǵan aqparattar sheshim qabyldaý úshin tıisti organǵa joldanyp, oǵan 30 AEK kóleminde aıyppul salyndy.